LUNAR.

في ضمن حدود

2012-02-04T15:55:00.000+02:00

في ضمن حدود

منطقة , تضمّ إنساً

في ضمن حدود

يُقتَلون بلا داعٍ

امرأة , شيخ

طفلة ذات سبع سنين

اشتبهوا بوجود جزء

بداخلها

شيطاني , يحركّها

لتفجّر نفسها بينهم

فقتلوها قبل أن تتحرك قيد أنملة

قتلوها

وما عرفوا أن اسم هذا الجزء

هو

حريّة

سمّها ما شئت

مؤامرات خارجيّة

تنظيمٌ متطرف

ربيعٌ عربيّْ

لُعنَ كل من يقتل طفلة

أراها وقد سُألت يوم البعث

لمَ قتلوكِ؟

أراها تهزّ كفيّها الصغيرين

لا أعرف

هل يقدر أحكم حكماء الأرض قاطبة أن يجيب هذا السؤال؟

في ضمن حدود

مراهق يخرج فرِحاً بثورة وليدة

أعادت الأمور لنصابها

على الأقل من وجهة نظره البسيطة الغضّة

يخرج بلباسه الأبيض

يعود بكفنٍ أبيض

لم يختلف اللباس

الإختلاف كان بخروج الروح لبارئها

متحسّرة

مندهشة ممّا أصابها

بل ومستغربة من آخر نظرة حقد مكنون

من قاتلٍ حاقد

لو سألناه لم قتلت المراهق

لسكت أيضاً

بل ولربما أدرا كفيّه حيرة

هنيئا لكم ربيعكم العربي

او ما شئتم تسميته

ذكريات الحادث

2012-01-25T12:00:00.000+02:00

الدنيا كانت رمضان

مروّح من الشغل انا, ماشي بشارع الجامعة الأردنية , كانت سنة ال2006 , لسه في بشارع الجامعة اشارتين ورا بعض , عند مستشفى الإسراء , وحدة بتكون حمرا والثانية خضرا

اجت عيني عالخضرا اللي هي قدام ونسيت الحمرا اللي المفروض اوقف عليها
ظليت ماشي , صوت ضربة قويّة , السيارة بتلف وبتضرب بالرصيف وبتقلب على ظهرها
بعد ستر ربنا , حزام الأمان اللي بلبسه دايما هو اللي ثبتني بمكاني وما خلاني اتحرك مع قلبة السيارة
لحظات حسيتها طويلة , لحد هسه ما فهمت شو اللي صار

اللي استوعبته لحد هسه انه السيارة قالبة على ظهرها وانا معلّق من حزام الأمان رأسا على عقب D:
فكيت الحزام ووقعت بفعل الجاذبية
اول صوت اجاني من برة : اطفي السيارة , اطفي السيارة
طفيت السيارة , البابين الاماميات ما فتحوا لأنهم تطعجوا من الضربة, حاولت افتح الباب الخلفي , برضه ما فتح , قعدت اضرب القزاز برجلي عشان ينكسر , برضه ما زبطت , كانت القوة والحيل = صفر
شب من برة ضرب القزاز برجله وكسره وطلعت من الباب, الحمد لله الحمد لله , ما كان في اي اصابة الا جرح بسيط عالكوع من القزاز

كان في موظف من عنا من الشركة واقف عالاشارة وراي - اللي انا قطعتها حمرا - اجا يركض ,وبسألني : وك شو صار , قلتله ما عندي فكرة
تطلعت لورا شوي , لقيت سيارة واقفة بنص الشارع وجواتها بنت ماسكة الستيرنج وصافنة ومش راضية تفتح الشباك تحكي مع اي حدا
هسه توضحت الامور , انا قطعت اشارة حمرا بالوقت اللي كانت الاشارة اللي جاي من البوابة الشمالية لونها اخضر , فا البنت ما توقعت حدا اطرم زيي يقطع اشارة حمرا فا ضربت السيارة عالباب الخلفي وصار اللي صار بعدها
خلال دقيقتين 3 , اجا الدفاع المدني والشرطة , قلبوا السيارة رجعوها لوضعها الاصلي واجوا سألوني فيك اشي بوجعك , قلتلهم لأ فا انتبهوا للدم على كوعي ونظفوا الجرح

الشرطي سألني شو صار؟ حكيتله قطعت اشارة حمرا انا والحق علي , حكالي بسيطة ان شاء الله الحمد لله على سلامتك
راح تطلع عالوضع بشكل عام ورجعلي , حكالي راح اعطيك مخالفة اهمال تسبب بحادث سير , ما راح احطلك اياها اشارة حمرا , بتيجي المسا عالمخفر بتدفع المخالفة وبتوخذ الرخصة وتوكل على الله

قلتله سيدي ما قصرت وبارك الله فيك

واجا الونش وسحبنا السيارة على كراج بالرصيفة محل ما انا ساكن

روحنا عالبيت , وصلنا البيت بعد اذان المغرب, الناس افطرت وانا قعدت على السفرة, بس طبعا جسمي اللي قاعد مش اكثر , لأنه عقلي كان فيه مليوون قصة وقلبي اصلا ما حسيت فيه يومها, ما اكلت ولا اجا ببالي الاكل , بعد اذان العشا رحنا نجيب الرخصة, كنت قاعد بالكرسي الخلفي بسيارة صاحبنا وبرجّ من الخوف, خفت من السيارة اللي قاعد فيها, بس الحمد لله مشت الامور , اخذت الرخصة وروّحت انام , وما اطولها من ليلة كانت :(

عالهامش , صار في شغلات جانبيّة كثير منها

قعدنا انا واخوي نتجادل لمدة 5 دقايق انه مين بده يوخذ السيارة , من جهتي انا مصرّ اخليها معه لأنه معزوم , وهو مصرّ انه يعطيني اياها وهو بدبّر حاله بعد العزومة , طبعا اخر اشي قمعني وخلاني اوخذها
الشب اللي اجا كسر القزاز برجله , حسيت كان يركض من3 كيلو, لأنه القزاز اجا كله بوجهي ومنها انجرحت لما حاولت احط ايدي على وجهي هههههههههههه
بس نزلت, كان في شوية فراطة - عملة معدنية - واقعة عالارض من السيارة , فا نزلت الم فيهم, بعدين تطلعت على حالي, انه انت شووووووووووو بتعمل قاعد, السيارة كلها قلبت وانت بتلم الفراطة؟!!!! فا رميتهم ههههههههههه
للأسف, تملكتني لحظة غضب بعد الحادث, وضربت مراية السيارة برجلي قد ما كنت معصّب, بعدين اكتشفت انه بكفي ما صار معي اشي خطير وهاي اكبر نعمة الحمد لله , وندمت بعدها كثيييييييير
كان في عامل نظافة قريب عالسيارة, وكانت بايدي نظارة شمسية , طعجتها وكسرتها ورحت عنده اعطيته اياها يرميها, بعد شوي كسرت قطعة بالسيارة وبرضه رحت اعطيته اياها يرميها , بعدين شفت القرآن الصغير اللي بكون معلق عالمراية , رحت طلته كمان واعطيته اياه
كان غطا تنك البنزين مفتوح من الضربة , سكرته ما بعرف ليش هههههههه
رنيت على اخوي حكيتله عملت حادث , اجا بسرعة مع صحابنا من الشركة, اول ما شاف السيارة صار يضحك - طبعا السيارة اله مش الي - , انه كيف قلبتها بهاي المساحة الضيقة , قلتله اختصرني, حكالي المهم ما انك بخير , ورد كمل ضحك , كنت بدي اضربه
دليل انه قديش احنا شعب بنحبّ نفتي, كنت واقف جنب 2 شباب بحكوا عن الحادث , فا واحد بحكي للثاني هاذ كان مسرع كثير وقلبت معه , فا انا تطلعت عليه وحكيتله انا اللي عملت الحادث والسيارة كانت على سرعة 40 مش اكثر وقت الضربة , فا سكت الشب بعدها
طبعا اكيد الكل طال موبايله وقعد يصوّر فيديو وتصوير عادي , بس اللي لفت انتباهي واحد معاه كاميرة فيديو هاندي كام وقاعد بصور
طبعا نفسيتي كانت زي العمى من جوة , بس كنت متماسك
رحت على البنت بالسيارة, اشرت بايدي الها انه نزلي القزاز, نزلته وقلتلها الحمد لله عالسلامة, كانت بدها تبكي وهي بتحكي الله يسلمك, بس الشب اللي ضربته لساته ما طلع من السيارة , ضحكت انا وقلتلها انا الشب اللي ضربتيه وهيني الحمد لله ما فيي اشي, ساعتها صارت تبكي عنجد
كثير صار في تأويلات من الشباب انه عشانك صايم يمكن كنت معصب وبتلاخم , للأسف ما حدا صدقني لما حكيتلهم انه الصيام ما بأثر على نفسيتي الحمد لله واني كنت جدا رايق وقت الحادث , لا معصّب ولا مسرع ولا اشي :)
والدتي الله يخليها ويسعدها , كانت بنفس اليوم طالعة عمرة, طبعا ما حكينالها اشي بلاش تنزل من الباص وترجع على عمان مشي, لأنها بقلبها الحنون ما راح تصدّق لو حلفنالها مليون يمين انه ما في اشي
طبعا يومها حكيت معها الصبح بسألها عن الباص متى راح يطلع , كل شوي كنت اتصل واسأل لحد ما مشى الباص, بعد الحادث خطر ببالي انه من كثرة تلفوناتي الها بهذاك اليوم بالذات , كنت زي كأني عارف اني بودّع فيها لأني كنت حاسس انه راح يصير حادث
ظليت ماسك اعصابي لحد ما حطيت راسي انام , ما عرفت , قمت فتحت القرآن وقعدت اقرأ, بعدها صرت ابكي زي الولد الصغير, كانت لسه اصوات الحادث براسي زي كأنها اغنية بتعيد وبتزيد , قعدت الأصوات اكثر من سنة
بعثت مسج لصحابي عالتلفون كانت كالتالي

انا عملت حادث وقلبت السيارة, بس الحمد لله ما صار فيي اشي :)

واحد من الشباب اتصل فيي زي المصروع, وك شو صااااااااااااااااار , حكيتله هيك هيك والله , قلتله عادي ما تقلق ما انا بعثتلك سمايلي فيس مع المسج , المفروض تعرف انه ما صار اشي الحمد لله, طبعا قعد يردحلي هو رسميّا وبقية النص مفقودة هههههههههههههههههههههههههههه

ثاني يوم لما صحيت كان عندي الم رهيب بكتفي الشمال من اثر شدة حزام الامان بعد الضربة, طبعا كتفي الشمال اصلا فيه تمزّق

الله يبعد عنكم كل شر يا رب ويحفظكم من كل أذى ان شاء الله , وسامحونا عالاطالة

اسلوب الكتابة مستوحى من تدوينة ارشيف الذكريات من مدونة الكيل بمكيالين

ليش ما بكتب بالسياسة , ليش ما بشارك برأيي؟

2012-01-20T01:50:00.001+02:00

مسا الخير عالجميع ان شاء الله

مستوحى من اخر تدوينة للكوز

ليش ما بكتب بالسياسة

السياسة قذرة

ما بتقدر تحكي رأيك بدون ما تتصنف تلقائيا لمجموعة معيّنة , فا مثلا اذا حكيت انه التفاح الاحمر ازكى من البطيخ , فا انت تلقائيّا

بتتصنف انك زئبقي , مع انك اقرب للفضّة , والحدق يفهم طبعا

الكل صار يحكي بالسياسة, اللي بفهم واللي ما بفهم , التافه والحشرة, اللي اله دخل واللي ما اله دخل , لدرجة اني مرات بشفق على المحللين

السياسيين اللي قضّوا عمرهم يدرسوا سياسة ويفهموا ابعادها ويحللوا كل حركة بينما واحد عمره 17 سنة بفتي بالقصة كلها من اولها لآخرها

تكملة للنقطة الثانية

صرت الاحظ - او انها موجودة من اول , انه في ناس بتقمع رأيك الخاص فيك

طيب يا عمي ماهو هاذ رأيي انا عن شغلة معينة , بغض النظر رأيي صح او لأ, المهم انه هاذ رأيي انا , وانك تقمعني وتحاول تفرض علي رأيك انت, هاذ ما بصير, بالعكس اللي راح يصير انه عمري ما راح احكي شغلة ثانية قدامك

وبتصوّر انه احنا ك عرب مش مفروض نحكي بالسياسة , هاذ طبعا لو انه احنا بنستحي على حالنا طبعا, يعني ما اتصور انه ناس بتحضر الاخبار وبتشوف بنت بتخبّط عليها قدام الله وخلق الله , وآخر اشي بنحكى انه : شو مطلعها من بيتها اصلا؟

والمثير للشفقة اكثر , انه العرب بشجبوا وبستنكروا وبدينواوبصيحوا وبقتلوا وبنقتلوا وبصير فيهم كل اشي عاطل, وما حدا بالدنيا داري عنهم أصلا, اصلا العرب نفسهم بطلت قلوبهم على بعض

فا عشان هيك

انا ما بحكي بالسياسة, اللي خربت كلللللللللللللللل اشي حتى وصلت كرة القدم

خلي السياسة لأصحابها

و دمتم :)

مذهلة

2012-01-14T21:31:00.001+02:00

يا بدايات المحبّة ويا نهايات الوله
الحسن سبحان ربّه ظالم وما اعدله

ليه عمري ما لقى لبرده دفا الا دفاكي
ليه انا عيني تشوف وما تشوف الا بهاكِ

مجرد كلمات

2011-12-31T21:02:00.001+02:00

بين التهنئة بالعام الجديد
وبين دموع الثكالى من أمهات شهداء وجرحى مكلومين

تطوي سنة أخرى أوراقها متأهبة للرحيل
بلا رحمة لتلك الدموع

فقد تعلمنا وبالطريقة الصعبة أن المظلومين لا بواكي لهم
والضعفاء يُسحقون سُحقاً بلا رحمة

أشباح الذات

2011-12-27T14:55:00.000+02:00

.● أشباح الذات ●.

أشباح الذات هي كل ما يهدد الذات العميقة في دواخلنا

أشباح تسكننا وتحفر فينا العجز، تباعد بين أحلامنا وواقعنا

وحوش تستوطن النفس، ترعب ليل الطفولة فينا وتحجب عن أعيننا

نور النهار لتقعدنا أخيرا عن تحقيق طموحاتنا

.● شبح الأنانية والكبر ●.

حين يصبح شبح "الأنا" القائد الأعلى لكل تحركاتنا، أنفاسنا

بل وأبسط تفاصيل حياتنا !

نحتقر الأخر لنكبر في أعيننا .. و نجرح أقرب المقربين إلينا لنشبع

رغبة السيطرة عند ذلك الشبح

الذي سيطر على أنفسنا

. ● شبح الخوف ●.

الخوف من أي شيء ..من كل شيء .. والخوف من لا شيء !!

ربما يكون أخطر شبح يهدد ذواتنا

يصور لنا المستقبل كابوسا والأحلام وحشا يطاردنا

تثقل عواصفه خطواتنا نحو تحقيق الأحلام

وتتحطم بسبب رياحه ذرات الشجاعة فينا

لتتآكل أجسادنا ودواخلنا .. ونصبح على غفلة منا

أضعف ما نكون عليه

.● شبح الكسل ●.

الكسل شبح بل أفعى سامة تنفث سمومها في أجسادنا

سموم تضعف قوانا لتركن أجسادنا في نهاية الأمر إلى الراحة والدعة والخمول

حتى تهون علينا أنفسنا ونهون على الأخرين

فنلحق بالأموات ونحن أحياء نرزق

.● شبح اليأس ●.

اليأس شبح يحجب نور النهار عن أعيننا، ويجعلنا ضبابه نسير في درب

مظلم ممتد بلا نهاية فتصبح أحلامنا سرابا ويصبح تحقيقها حبيس أسواره

اليأس عاصفة تتهدد مراكبنا في بحر الحياة فنغرق في ظلماته بعدما

تتكسر تلك المراكب بين أمواجه

.● شبح التشاؤم●.

شبح يحجب عنا ألوان الحياة فلا نرى إلا جانبها القاتم و سواده

أو قد لا نرى إلا اللون الباهت وتغفل أبصارنا عن كل لون ناصع مشرق

ننظر إلى الحياة بمنظار السلبية فلا نرى ..

إلا صفحات الظلام أمام أعيننا

.● شبح الإنطوائية●.

يبدأ شتاء العزلة ليغلق أبواب قلوبنا وتحاصرنا تلال جليده في قوقعة ضيقة

لا سبيل إلى الخروج منها .. فتسكن أنفاسنا إلى أشباح الوحدة

وننعزل عمن حولنا

لنواجه عواصف الإنغلاق دون أسلحة

.● شبح الطمع●.

الطمع شبح يهجم على مراعي ضمائرنا فتفتك ذئابه بها

ونبيعها في نهاية المطاف بأبخس الأثمان

يستعبدنا المال وتشعرنا أشباحه بفقر دائم .. لا نشبع إلا بالحصول على المزيد منه

وإن أستدعى ذلك أن نفقد جميع من حولنا !

لا تستسلم لأشباح ذاتك فتفتك بك

بددها بإيمانك قبل أن تتجسد وتفترسك

إزرع في قاموس حياتك جملا غير الخوف واليأس والطمع والأنانية

جملا تبث فيك الشجاعة والقناعة والأمل وحب الحياة

أرفع عينيك إلى السماء ترى للحياة بريقا

ولا تنحني برأسك لتسقي تربة اليأس بدموعك

****

منقول من ايميل وصلني

مع اني ما بحب الاشياء اللي زي هيك , بس الكلام أعجبني

العنوان ليس مهمّاً

2011-12-21T09:46:00.001+02:00

عندما تشرع بالكتابة

وتتزاحم أفكارك على أناملك

وتقف كلها هناك دون أن تغادر حيّز جسدك المتعب

فاعلم أن في قلبك الكثير

وفي عقلك أكثر

إشتقت لرؤية أمي العظيمة

إشتقت لزوجتي وطفلتي

لأخواني ولأبي أيضا

ولكل اصدقائي

لا تهتموا كثيرا بالترتيب اللذي ذكرته

فدرجة الاشتياق واحدة للجميع

ولكن كلمات لغة الضاد على اتساعها وتنوعها تعجز عن شمل من ذكرتهم بكلمة واحدة

لنتفق جميعا أن سنة 2011 كانت دمويّة بحقّ

لم أرَ في حياتي هذا القدر من الأشلاء البشرية

مختلطة ببقايا أحلام مستقبلٍ قد يكون زاهرا

وبقايا أمل بغدٍ أفضل

تحديث

2011-12-16T22:52:00.000+02:00

مسا الخير

ان شاء الله تكونوا بخير يا رب جميعكم

انا تقريبا شبه استقريت حاليا, بكرة المفروض اول يوم دوام رسمي

الامور تمام الحمد لله, ما في اشي مش طبيعي لحد هسه , غير الصداع اللي مستلمني من عمان ولحد هسه مش عارف شو القصة

إحتراماً للصمت

2011-11-21T12:58:00.000+02:00

عندي للصمت مكانة في زحمة الأفواه ..

وللسهر وقتٌ طويل فيه استضيفُ الأفكار ..

(معاً) نثرثر .. بصوتٍ جهور أو بهمسً ناعس .. نمارس المد والجزر في مجرد (حوار)!

أنا والأفكار تنتابنا نوبة التعب! فالحديث في غير وقته جداً مؤلم!

تحاورني من جديد (..) كأن لديها زمن الدنيا اللا منتهي.. فجاةً..

تتوقف لدي حاسة السمع!! ربما الأفضل أن أشاهد ما تقوله عيناها؟!

أو ربما في الصمت مساحة أوسع للكلام!

(الصمت إجابة قاتلة)!!

الوقت ما بين الذهاب للنوم وبزوغ الفجر:(هو زمنٌ للعذاب لدى المجروح)

يكون فيه الفراش مقصلة!!

حين تكون البراءة هي التهمة والقلب هو الجلاد يكون الصمت هو الدفاع ..

.. تلك بقايا مشاعر قبل الجفاف...

الصمت ليس فناً عظيماً من فنون الكلام! فهناك من لا يبالي بأن تكون له في الصمت هيبة!!

هناك من لا يحتمل الصمت ولا يقوى على الكلام! فيعش العذاب

وتستمر حياته (بصمت)!

منقول من ايميل وصلني

باسم يوسف

2011-11-16T21:11:00.001+02:00

مسا الخير عالجميع

من فترة تابعت مقدّم برامج مصري اسمه باسم يوسف

حضرت معظم الفيديوهات تبعته عاليوتيوب

اللي لفت انتباهي انه - بجانب اسلوبه التحشيييييييييييش - بقدّم الحقيقة المجردة

بكشف الأقنعة عن ناس تغيرّت وتلونت كثير قبل وبعد الثورة

حتى لقاءاته مع ضيوفه , كثير راقية

كثير بحب اتابع برامجه

بضحك كثير

وبتألّم على واقعنا أكثر

وهاي بعض من الفيديوهات

استقالتي - 4 ايميل الاستقالة

2011-11-08T20:51:00.005+02:00

إخواني وأخواتي الأعزّاء

بالرغم من بعض الأوقات الصعبة التي مررت بها إلا أنني قد سعدت كثيراً بعملي هنا لفترة امتدت لأكثر من ست سنوات

ولكن كما لكلّ بداية نهاية, فقد جاء الوقت للبحث عن فرصة جديدة بالنسبة لي

نهاية للعمل هنا , ولكن ليست نهاية للعلاقة الوديّة التي جمعتني بكم

زملائي الأعزاء

أطلب منكم الصفح إن كنت قد أسأت التعامل مع أحدكم في يومٍ ما , وأرجو ذكري بالخير دائماُ

وأودّ أن انتهز هذه الفرصة للتقدّم بالشكر لكل من قدم لي الدعم هنا وعلى رأسهم, العزيز : وليد عويمرين

أعذروني فقد آثرت الكتابة باللغة العربيّة لقربها منّا (بعرف اكتب انجليزي والله)

في أمان الله , وإلى لقاء قريب بإذن الله

معلوماتي الشخصية للتواصل

Hakan_740@hotmail.com MSN

Twitter @JarrarM

هاي الأيّام

2011-11-07T18:31:00.002+02:00

استقالتي - 3

2011-11-03T10:07:00.000+02:00

تكملة لسلسلة البوستات المتعلقة بالاستقالة

من أكثر المواقف الحلوة اللي بتذكرها , كان قبل عرسي بفترة بسيطة

بالعادة, كل واحد بتزوّج بالشركة عنا, كنا بنلمّ اله نقوط من الشباب والصبايا هون

فا لما اجا دوري انا , الصراحة اجاني الرقم شويّة مفاجئ , بنحكي تقريبا عن 800- 900 دينار, غير الشباب اللي نقطوني كمان مرة بالصالة

الموقف الحلو كان انه لما شفت اكثر من نص المعازيم من الشركة, انا عزمت بس ما توقعت انه ناس كثير تيجي لدرجة انه الكراسي خلصت وكانوا ناس كثير واقفين

الصراحة شوفة الشباب حوالي بالصالة كان من المواقف الحلوة اللي ما بتنتسى من مرة

الله يحفظهم جميعا يا رب

استقالتي - 2

2011-10-29T17:15:00.001+02:00

تقريبا من نص شهر 10

تشليف بالشغل

إنعدام تركيز

طوش عالإيميلات وتلطيش حكي للسما

ستّ آلاف قصة وديوانيّة براسي

خففان عقل :(

ومش مصدّق على الله وهو يخلص الأسبوع الجاي , الخميس الجاي آخر يوم

" مؤيد حباس " يختزل عبق المكان بسحر الصورة

2011-10-26T12:00:00.002+03:00

تربية نيوز – محمد شطناوي - عبر السنوات الماضية حقق مهرجان الأردن الدولي للصورة نجاحا في استقطاب أسماء عربية وعالمية بارزة في ذلك الحقل الفني الذي تبوأ موقعاً مهماً وخاصاً في حقل الفنون البصرية المختلفة

وفي هذا العام شارك في المهرجان مئة وثمانون مصوراً من الدول العربية كافة ، ما عدا قطر، والمغرب، إضافةً إلى مصورين عرب مقيمين في أوروبا, وقد حصل المصور الأردني مؤيد حباس على المركز الثالث عن محور مدينتي و الذي فازت به صورة تحكي عن المدرج الجنوبي في جرش

مؤيد حباس يتجول دائما و " كاميرا التصوير " على كتفه مستشرفاً ذكريات الماضي ووقائع الحاضر ودلائل المستقبل، فتلتقط عينه الثالثة صوره جسدت مدينته بموسيقى طبيعية جعلتنا نعرف من خلال مشاركته في المهرجان نعرف كيف نستمع إلى مدينتنا

يقول حباس إن المشاركة بحد ذاتها هي فوز لأننا ننقل ثقافتنا ونعرضها لأشقائنا , فقد فزت بصورة عن محور مدينتي عرضت خلالها المدرج الروماني لذي استقطب بتصميمه وروعة بنائه اهتمام الكثير من المصورين إضافة إلى كونه منطقة سياحية تستقطب الزوار من شتى أنحاء العالم إلا أنني أردت استخدام تكنيك مغاير ونظرة أخرى , تعكس حبي لمدينتي و عرضها برؤية تعبر عن الأصالة و الرقي في هذا المكان

وحول المشاركات في المهرجان أشار الفوتوغرافي حباس إلى أن المعرض ضم مجموعة من الصور التي أخذت الحاضرين في رحلة بصرية نحو عدد من المدن العربية، القديمة منها والحديثة، ولم يقتصر التصوير في محور " مدينتي " على العمران والتقدم المادي الذي تشهده تلك المدن أو الساحات والشوارع والحدائق، فقط، وإنما شملت الحياة الشعبية، والمهن، وأنماط الحياة المختلفة وإيقاعها اليومي، في ظل تطور حركة الحياة الإنسانية والاجتماعية

هو احد المصورين الأردنيين الذين يرون العالم بعدساتهم التي ترسم ذاكرة للمكان من خلال صورهم الثابته التي تنطق و تبوح بالكثير من الأسرار , التي تعرف دون الحاجة الى الكلام او التفسير ,

مؤيد حباس قصة إبداع من بين آلاف القصص القينا عليها الضوء فمن المسئول عن إلقاء الضوء على ما خفي من مواهب ؟! سؤال إجابته أن نبحث دائما عن المتميزين وسنساعد كل من يهتم بدعمهم في الوصول إليهم.

المصدر

استقالتي - 1

2011-10-25T20:47:00.000+03:00

مسا الخير

تحملوني , شكلي راح اقززكم بالموضوع :( مش لأشي , بس لأنه بلشت احسّ باللي عملته
الصراحة شفت ردود الفعل لعدد من زملائي هون بالشغل , خفّ عقلي

يعني حتى كنت بمزح مع واحد من الشباب بحكيله يا زلمة مش عارف شو اكتب بالمدونة , حكالي اكتب عن ذكرياتك هون بالشركة وفجأة قلبت نكد السولافة :S

حتى هو بحكيلي انه لسه اخر يوم الك ما اجا وانه مش عارف كيف الشركة راح تكون بدوني
انه اوكي انا مش هالاشي الواو , بس هاذ الموقف وكمان عدة مواقف مشابهة خلتني احس بغير هالحكي

هاي جزء من سلسلة ممكن تطول , او تقصر
فا تحملوا قززنا أطال الله بعمركم

في غياهب الواقع

2011-10-23T22:45:00.000+03:00

سمع صوتاَ من الداخل يقول

لم لا تخلد إلى النوم, لعلّك تجد بين ثنايا أحلامك ما ينسيك غياهب الواقع

قال مخاطباَ ذات الصوت

لعلّك على صواب

ولعلّي أجد ذلك

مساء الخير :)

بوست دبشة وهبل

2011-10-16T12:16:00.001+03:00

مسا الخير عالجميع

الموضوع التالي أتفه من التفاهة نفسها , اذا خاف عقلك من الحياة بشكل عام تكملش بلاش تيجي الدقّة فيي

لفت انتباهي موضوعين اليوم عالنت وانا بقلّب بوقت فراغي - بتعرفوا فش وراي اشي هاليومين :) أخبار تافهة , وبالرغم من تفاهتها الا انها متناقضة

عناوين الخبرين

رامي عياش يظهر عاريا في "ديو المشاهير" ويثير غضب عبد الله بالخير

وكان رامي عياش ظهر في البرنامج يرتدي بلوزة بلا أكمام ومفتوحة كثيراً عند الصدر.وقال عبد الله بالخير الذي كان احد اعضاء لجنة التحكيم: “البس يا رامي، نحن في “ال. بي. سي”".

بالصورة .. ميريام فارس بالفستان الذي صدم مشاهدي "ديو المشاهير"

بتفاصيل الخبر الثاني راح نلاقي الفقرة هاي

أثارت ملابس المطربة اللبنانية ميريام فارس جنون الفنان الإماراتي عبد الله بالخير أثناء وجودها معه خلال حلقة الجمعة من "ديو مشاهير"، حيث أطلت الفنانة بملابس كاشفة ومثيرة.

يا زلمة حدد موقفك بالزبط , شو بوجعك انت ؟ وشو اللي بدك اياه؟؟؟؟؟؟؟؟

I Quit

2011-10-10T11:05:00.002+03:00

قدّمت استقالتي من شركتي بعمّان , ونازل عالرياض قريباً ان شاء الله

العرض مش كثير مغري , بس عالأقل في نوع من التغيير

خايف كثير وقلقان انه ما يزبط الوضع زي ما أنا مخطّط

بس عالأقل ما راح اعرف انها راح تزبط او لأ اذا ما جرّبت

اندم على تجربتي ولا اني اقول يا ريتني جرّبت وشفت

شو رأيكم ؟

عماد العشّي - حبيبونا

2011-10-05T11:36:00.001+03:00

مسا الخير

اليوم حاب أحكي عن أخ عزيز وصديق وزميل عمل , اشتغلنا سوا لفترة بسيطة بس تعلمت منه شغلات كثير -بالشغل وبرّة الشغل

عماد اخذ من مايكروسوفت شهادة

MVP - Most Valuable Person

وكثييييير فرحتله لأنه بستاهل كل خير والله وكنت حابّ اكون بعمّان عشان نحتفل كلنا فيه , بس في حلوان بستناني لما ارجع , هع هع هع

الحلو بعماد كمان انه فوق كل هاذ , شب كثير ملتزم دينيّا - بس هاذ ما بمنع انه قعدته تحشيييييش العادة

حتى التزامه الديني ما منعه انه يتابع شغله وحتى حياته الخاصة برة الشغل, كنّا حتى نلاقيه بلعب كرة سلّة مع الشباب وكرة قدم والخ الخ

الله يعطيه لحتّى يرضيه , لإنه جد جد ما بستاهل الا كلّ خير

مدامتي

2011-09-28T12:48:00.001+03:00

يا الله يابو الحطيطة البيضة يا الله عليها خفة دمي ويلي يما

يا الله يا مين يقول لابويي يا الله يعطيني لابن عمي ويلي يما

يالله جمّال وماني جمّال يا الله ماني جمّال ابوكي ويلي يما

يالله ظهري انحنى وشعري شاب يالله من يوم اللي خطّبوكي ويلي يما

هاذ المقطع من أغنية وأهازيج شعبيّة فلسطينيّة
بتذكرني بمرحلة ما قبل الخطبة على طول
كنت اسمعها بالسيارة
لمّا كنت حاطّ المدام في بالي بس لسه ما حكيت بالموضوع كثير مع حدا
والحمد لله , تيسّرت الامور

صار مشاكل , مزبوط
صار زعل , مزبوط
وصلت الامور للشيطان الرجيم, يعني هه
بس بالنهاية , هذا ما بمنع انها مدامتي حبيبتي

ظلمتها انا فترة منيحة
وممكن حتّى مرّت فترة ما طقت الأرض من تحتها
بس برضه بالنهاية , هذا ما بمنع انها مدامتي حبيبتي

ممكن تقرأ هاذ البوست وممكن ما تقرأه
بس هاذ ما بمنع انها مدامتي , حبيبتي

صبرا وشاتيلا

2011-09-15T20:11:00.001+03:00

الزمان : 16 / 9 / 1982

المكان : مخيم "صبرا وشتيلا" للاجئين الفلسطينيين - لبنان

...تنكشف ستارة المسرح

آلاف من البشر يتوسدون الأرض ويغطون في نوم عميق...تقترب الكاميرا...أكوام من أطفال وصبية يستلقون فوق بعضهم البعض, لا يلعبون, بل أرواحهم تلعب "الغميضة", الملائكة كشفتها, لن يعودوا, خلعوا أجسادهم إلى الأبد

!...مجموعة من النسوة يفترشن الأرض

, بعضهن بلا أطراف, بعضهن بلا أثداء, بعضهن فُتحت بطونهن بحثاً عن "موسى" في أرحامهن, وجدوا "موسى", أجروا "يمّاً" من دم أمه وجاراتها, ألقوا موسى في اليم !...

رضيع يستوطن حضن أمه, لا لبن في الجثة, ولا يسأم من الرضاعة, لكن كيف يرضع بلا رأس ؟!...

زمرة نخبوية من الأطباء تمارس قيلولتها في معابر "مستشفى عكا",

لا يعملون, على القرب منهم تتسامر الممرضات, آثار السمر واضحة على جثثهم, لِمَ يُجهدون أنفسهم ؟

أولاً : هم خارج أوقات دوامهم الدنيوية

, ثانياً : لا مرضى في المستشفى ... الكل قتلى

!...حفلة شعبية في ساحات المخيم, الطقوس معروفة : في البداية يُقتل الرجل, يُسحل في الشارع, يُسلخ جلده, تُقطع جثته إلى أجزاء غير متساوية, ثم تُزرع قنبلة موقوتة في الجزء الأضخم, ينتهي العرض ... باقي الحضور (من العجزة والنساء) تنزرع أجسادهم في المدرجات, في الحقيقة .. ليست مدرجات بل قبور جماعية, لكنها تتسع !...عائلة ما, لم يشارك أفرادها في الحفل, وردهم خبر سيء : منزلهم هُدم على رؤوسهم !...شوارع كاملة مغطاة بالسجاد الأحمر, ينتظرون ضيفاً مهماً : الموت !يصبح الضيف رب المنزل, ويصبحون ضيوفاً, ويرحلون !...صبرا .. شاتيلا .. الثأر لم يُطلب بعد .. ولم

يمت طالبوه

منقول من الفيسبوك ,

Ahmad Nabil Amireh

تمرّ الذكرى تلو الذكرى

ولا يوجد من يضاهينا مهارة بعدّ السنون والجثث بل وبتذّكر التواريخ

على أمل أن تمرّ سنة بدون أن تنفتح جراحنا التي لم تكد تندمل من العام الفائت

فهل يتغيّر الحال؟ ام ستزداد مهارتنا بعدّ السنين وتذكّر التواريخ؟؟

يا رب , انا مستضعفون , فانتصر

الامريكان قززوا اهلنا بهال3 الاف واحد اللي انقتلوا بالبرجين, واحنا بأحداث سورية لحالها بس صرنا عادّين 2-3 الاف بالراحة

وين العدل؟

ما في عدل الا عند ربنا

So True

2011-09-12T13:24:00.000+03:00

WE NEVER REALLY GROW UP,
WE ONLY LEARN HOW TO ACT IN PUBLIC

نحن لا نكبر أبدا

ولكننا نتعلم كيف نتصرّف أمام الناس

القرد وعجل البحر

2011-09-08T17:59:00.003+03:00

جلس قرد على شجرة جوز الهند الى جوار ترعة.

والتقط ثمرة من ثمارها وألقاها الترعة فأحدث ذلك صوتاً أعجبه فألقى ثمره ثانية ثم ثالثة.

وحدث أنه كان فى الترعة عجل بحر، التقط هذه الثمار وظن أنها دليل محبة له من القرد الذى ألقاها له ليأخذها.

فخرج وتحدث الى القرد واعجب بذكاء القرد وحكمته.

وظل يتردد عليه كل يوم، ويسهر معه الى ساعة متأخرة من الليل يتحدثان كصديقين.

وهكذا كثر غيابه عن مسكنه واسرته.

فتضايقت زوجة عجل البحر من كثرة غيابه وتأخره فى الرجوع مساءً.

وما كان منها إلا أنها شكت حالتها الى جارة لها عجوز وحكيمة.

فنصحتها هذه الجارة أن تتمارض.

ومتى أتى زوجها ولاحظ مرضها وعجز عن معرفة سبب المرض وعلاجه،

تقول له: الأفضل أن نستشير جارتنا العجوز...

ونجحت الخطة. وحضر الزوج ولم يعرف كيف يتصرف فى علاج زوجته،

وكان يحبها. فأحضرا الجارة العجوز التى كشفت على الزوجة وقالت إن علاجها الوحيد هو قلب قرد،

إذ كانت قد عرفت أن سبب تأخره عن بيته هو بسبب صداقته مع القرد، وانشغاله فى السهر معه...

ورجع الزوج كئيباً الى شجرة جوز الهند حيث تقابل مع صديقه القرد.

وفى حديثه معه، قال إن له بيتا فى جزيرة عبر النهر جميلة جداً وطلب من القرد أن يزوره هناك،

فقبل منه ذلك. وقفز القرد على ظهر عجل البحر الذى سبح به الى الجزيرة التى يوجد فيها بيته

وكان عجل البحر كئيبا ومتحيراً فى أمره ومفكراً: هل يترك زوجته لتموت فى مرضها،

وعلاجها الوحيد هو قلب قرد؟ أم يخون صديقه الذى يحبه، ويغطس فى الماء، ويموت القرد الذى لا يعرف السباحة؟

ولاحظ القرد كآبة عجل البحر وحيرته فكلّمه بصراحة وأن علاج زوجته هو قلب قرد!

فأجابه القرد، وقال له: لماذا لم تخبرنى بذلك عند الشجرة؟

ذلك لأن لنا عادة نحن القرود اننا اذا زرنا صديقاً لا نأخذ قلبنا معنا، لئلا نفتن بزوجته.

فهلمّ بنا نرجع الى الشجرة، وصدقه العجل ورجعا.

ولما وصلا قفز القرد الى أعلى الشجرة وقال له: علاجك يا صديقى أن ترجع إلى زوجتك

ولا تعود تسهر معى فتتأخر عنها..

منقول من ايميل وصلني , ايش بالنسبة للهبل؟؟؟؟؟؟؟؟؟

The End

2011-09-05T09:38:00.004+03:00

THE END

.. ولكن أين يذهب الأبطال بعد ذلك؟؟ ما الذي يحل بهم.. وهل من المنطق أن نكتب كلمة النهاية في آخر الفيلم؟ بينما ما جرى فعلياً هو مجرد حدث من المفترض أن تتلوه أحداث أخرى لا نراها كمشاهدين.. أنا أحس الآن بهذه الـ

THE END..

وأتساءل ككل شخص اكتفى مضطراً بمشاهدة الفيلم أو كأي شخصية في فيلم لا يعرف فيه سوى ما يجري خلاله كما كُتب... ماذا بعد؟؟

من أقوال المبدع والمخرج رفقي عسّاف

هالأكمن يوم

2011-08-27T12:15:00.000+03:00

هالاكمن يوم

حتى بالشغل كثير متخربطة الامور

حتى البوست اللي كتبته قبل فترة , مش قادر التزم فيه
للأسف , حاس رمضان السنة هيك راح
للأسف مش قادر اسامح اييييييييييييييييييي مخلوق ولا قادر انسى اي اشي
الظاهر انه هاي الشغلة اقوى مني

كل واحد بقرّب مني اول اشي بحكيله اياه انه انا ما بنسى ولا بسامح , مع انه كلنا معرضّين للخطأ , بس لأني مريت بتجربة اكتشفت انه في الغالب فش حدا بنسالك اشي لما تغلط , وغلطتك بمليون مش بألف

ما راح اطلب من حدا يسامحني
لأنه انا مش راح اسامح اي حدا

بعرف انها موجة نكد ومش بوقتها , بس هاذ اللي صار
ودمتم

بكرة راجع

2011-08-15T12:47:00.000+03:00

بكرة راجع على عمّان اخيرا

وهيك بنكون ضربنا 44 عصفور ب 3 احجار

شكراً

2011-08-14T12:39:00.000+03:00

شكرا لصاحبة التعليق البسيط اللي انبعث على بوست : الى مكّة

طبعا ما نشرته انا بناءً على طلب صاحبته

على الرغم من انه سطر واحد مش اكثر , الا انه كثير خلاني اتأثر بالمعنى تبعه, وان شاء الله اكون مثل ما انتي حكيتي

شكرا كمان مرّة :)

ما بين الروح والمادة

2011-08-13T00:50:00.001+03:00

ستظل تعيش حالة شد وجذب بين جسدك وروحك فجسدك يفضل النزول الى الارض والاستمتاع بكل لذاتها وشهواتها لأنه منها...!

وروحك تريد ان تسمو وتعلو الى مركزها

ولكل منهما غذاؤه ومنبعه

فالجسد ...

يحتاج للاكل والشرب والنوم ليعيش ...

والروح ...

تريد ما نزل من السماء من ذكر وقرآن وايمان

ايضاً لكي تعيش

شعورك بالجوع والعطش والتعب اشارات

لحاجة جسدك

وشعورك بالهم والضيق والملل ...

دليل حاجة روحك

وهنا ندرك خطأنا

حين نشعر بالضيق

نخرج الى مطعم فاخر.. أو جولة سياحية ...

ومع ذلك نجد انه لم يتغير شيء

انت بهذا تلبي حاجات جسدك

بينما الذي يحتاجها هي روحك

اعد الاستماع الى نفسك فقد اخطات فهمها

منقوووووول للفائدة , ايميل وصلني

سونة أجدع ناس

2011-08-10T00:23:00.000+03:00

النيجيري احسن واحد

اليوغسلافيين احسن البشر

البرازيلي ما في مثله

الاسترالي زيّه زيّ الملائكة

الالمان همّه العرق الانقى

اليهود شعب الله المختار

صرت اسمع مؤخرا كثير كلام زي اللي فوق, طبعا مع اختلاف الجنسيّات كل مرة

حدا يذكّرني كم واحد زي سيدنا آدم نزل من الجنّة؟؟

ورمضان كريم علينا يا رب

ملاحظة

انسوا انه انا كاتب بالمدونة فوق

One In A Million

لأنه هاي مش معناها انه انا اشي منيح

إلى مكّة

2011-08-03T10:24:00.000+03:00

صباح الخير للجميييييييييييع بدون استثناء أي حدا

اخباركم؟

انا الحمد لله تمام , لسه بالرياض ورمضان هون خفيف لدرجة انه الواحد مش حاس بأي تعب الحمد لله, سمعت انه بالاردن الصيام عبارة عن جهاد هالايام, الله يكون بعوننا جميعا

المهمّ

ان شاء الله اليوم طالع عمرة, من جهتي انا ناوي اسامح كل اللي غلطوا بحقّي, بغض النظر شو كانت الاشياء اللي سببت هالحكي

النيّة انها تكون صفحة جديدة بعد ما الواحد التهى كثير عن الصلاة والعبادة بشكل عام , عارفين الدنيا والشغل والخرابيط هاي كلها

وحتى الناس اللي بفكروا انه انا بكرههم ,ان شاء الله ما راح يكون بقلبي الا كل خير تجاههم

فا ادعولنا انه ربنا يعيننا , ومن جهتي راح ادعي للكل بالتوفيق, والصحة وهدااااااااة البال , والباقي على رب العالمين

عالهامش

بتأسف اني سكرت المدونة , ان شاء الله ما بتنعاد

لنكتب عن المعاكسات - وجهة النظر المعاكسة

2011-07-04T14:36:00.000+03:00

مسا الخير

بالنسبة لهاذ الموضوع , انا قرأت تقريبا كل الادراجات عنه , والصراحة في منها تجارب انه الواحد بستحي انه يكون من نفس جنس الناس السقّط اللي بعاكسوا هالبنات عالطالعة والنازلة

عندي شويّة تعقيبات خاصة على موضوع انه المتزوجة "مش لازم تتعاكس بما انه معها ولادها , الخ الخ" , هسه يا اخواتي , بدكم تعرفوا شغلة

الساقط اللي بيعاكس , ما بشوف اذا انتي متزوّجة او لأ , وصراحة ما بكون حتى شايف ولادك وهمّه جنبك , وبصراحة اكثر وعشان تكون المتزوّجة اكثر حذر , في ناس ما بيعاكسوا الا المتزوجات لأسباب ما في مجال لذكرها هون

الساقط اللي بيعاكس , ما بتفرق معه اذا حكيتيله : ما عندك خوات تخاف عليهن ؟ او ما بتخاف الله انت مثلا؟
صدقوني ما بتفرق معه , لأنه ومن الآخر , ما بكون سامعك وانتي بتحكي , الا اذا اجته ضربة صحّته من الحلم اللي هو عايشه , الضربة مصحوبة بشباب يدبكوا على وجهه كمان عشان يضمنوا انه صحي

خلينا نتفّق انه في كثير شباب + زلام متجوّزين بيتبّعوا نفس المنهج , عاكس عاكس عاكس حتى تزبط معك اخرتها , وفي ناس بتتبهدل من ورا هالقصّة وبتنضرب , بس عالفااااااااضي , لأنه السقاطة بدمّه الله وكيلكم

عالهامش , تذكرت مرة شب عنا بالحارة كان راح يشوف "حصّته" ويطلع هو واياها , فا انا قلتله روح الله لا يوفقك - من باب المزح طبعا , رجع الشب اخر النهار , اواعيه مبهدلة ومعبيّة دم , شعره كل شعرة بجهة مع انه الصبح كان حاط جلّ , غير اني فكرته بني ادم ثاني لأنه وجهه مورّم من الضرب , بحكيله : له له له , شو صار معك يا حزين ؟؟ بحكيلي مسكوني اخوان البنت - لاحظوا اخوان مش اخ - وفوّتوني عالدار عندهم وعملوني كيس ملاكمة
طبعا انا ويلي يومها ميّت ضحك على منظره , ومن جهة ثانية مش حاب ابيّنله انه يا زلمة شو هالهبل اللي بتتهبّله انت !!!!!!!!

انا منّي وعليّ , الحمد لله عمري ما عاكست مخلوقة وين ما كان , غلطت , اه ما بنكر اني غلطت اكثر من مرّة بحياتي , بس اني من الباب للطاقة اقعد احكي : ايش يا حلو , ايش يا مسمسم , هاي ما صارت معي , وحتى وأنا "مراهق" ولسّه مش بعقلي وطايش والخ الخ الخ

شغلة المعاكسة بالنسبة الي كانت زي شغلة الدخّان : خط أحمر , يعني حتى تفكير ما فكّرت فيها

نرجع لموضوعنا , عشان برضه نكون موضوعيّين شوي , في نسبة من البنات + المتزوجات برضه بتبّعوا نفس الموّال , اه بعاكسوا عيني عينك , حتى لو انكم تخيّلتوا انه هالفئة مش موجودة

يعني حتى انا ك محمّد جرّار , اكثر من مرة تعاكست من بنات ومن غير بنات , طبعا خذوا راحتكم وانتوا تضحكوا على هاي الجملة , بس هاذ ما راح يغيّر انها واقع

يعني وحدة نازلة على درج المول هي وزوجها ومتعبطّة ايد زوجها , شو بدها فيّي تتطلع من فوق لتحت لحد ما تتجاوز عنّي ؟؟ - انا تطلّعت عليها لأني حسيت انه في حدا زي الصقر قبالي بتطلّع

وبنت ثانية , بتمرّ من جنبي وبتقول : بودي جارد ما شاء الله عنّك !!!!
طيب انا هسه لو حكيتلك مين البودي جارد بعيلتك , مش اكيد كنتي راح تزعلي مثلا؟؟

وبنت ثالثة , ورابعة , وخامسة

طيب انه مش هيك الوقاحة

يا اخواني واخواتي , باختصار شدييييد وآسف عالإطالة , المعاكسة قلّة حيا وهي مش مرتبطة بجنس معيّن

ودمتم :)

على قولة رين- My New Baby :D

2011-06-30T15:43:00.000+03:00

وأخيرا اشتريت كاميرا

صحيح ما دفعت اشي من حقّها لسه
بس بإعتبار انها صارت الي
:)

عمره حدا فيكم ... ؟

2011-06-28T20:22:00.000+03:00

حس بالشفقة على حاله؟؟

حاليّا انا هيك

بس بسيطة , بتفرج اكيد

وسقطت شاكيرا في إمتحان فلسطين

2011-06-22T14:22:00.000+03:00

مسا الخير

شفت هالعنوان على تويتر

"وسقطت شاكيرا في إمتحان فلسطين"

وفجأة تذكرت واكتشفت وأيقنت قديش احنا العرب مثيرين للشفقة ومثيرين للمسخرة بنفس الوقت

شوفوا مشجعين ريال مدريد بسلموا على بيريز - هاذ فيديو انا نزلته عالفيسبوك وندمت اني نزلته

شوفوا خوات برشلونة وهمّه رافعين علم اسرائيل في الملعب

شوفوا وشوفوا وشوفوا

وبالآخر بيجيك عنوان زي هيك

"وسقطت شاكيرا في إمتحان فلسطين"

يعني حتى بتقدر تحس المرارة والأسى والمفاجأة والصدمة من العنوان , انه واااااشاكيراااااااااااااه , ما حبيناها منك !!!!!!!! , ههههه

والله يا عالم بكفّي نستنّى من الغير يقدرّنا , قلتها وبقولها وراح اظلّ اقولها لآخر عمري
اذا بتظلّك تعيش وتستنّى المساندة والمساعدة وهداة البال من غيرك , والله راح تتغلّب , وبالآخر كلّه راح يطلع على راسك , ببساطة لأنك مركن على غيرك ومتوقّع كل اشي منيح من غيرك

طبعا هسه الكل راح يكره شاكيرا ويحكوا عنها كلام ووصف من باب (اللي ما بطول العنب يجيب سلّم) وبالمقابل يا محلى خصر شاكيرا وهي بتهزّ اذا اجت حوالين القضية الفلسطينية و"ساندتنا" , ههه

والله مسخرة

والله عيب

Tilt-Shift Photography - التصوير بالميل والإزاحة

2011-06-13T14:27:00.001+03:00

مسا الخير جميعا

كان مؤيد صديقي حاكيلي انه هاي العدسة بتصوّر تصوير غير شكل , ما تخيلت كيف , بس اليوم اجاني ايميل فيه شوية صور

تنهييييييييييدة

2011-05-22T21:56:00.000+03:00

الله لا يحرم حدا من حبايبه يا رب

اهداء لإمي البعييييييييدة عني

The Blues Don't Bother Me

2011-05-08T22:01:00.000+03:00

ناصح ... ضعيف ... ناصح

2011-04-28T18:56:00.003+03:00

مسا الخير من الرياض هالمرّة

اللي اكتشتفه من تجربتي ومن تجارب غيري , انك جد ما بتقدر ترضي الناس , ومرات ما بتقدر ترضي الشخص نفسه حتى لو رديت عليه

يعني لما ييجي حدا ويحكيلك على سبيل المثال : نصحان يا فلان

صراحة حاب اشكرك على التذكرة , لإنك اكيد جبتها من باب التذكرة مش اكثر , يعني لو حكالك : على فكرة انت نصحان , اكيد انت ما راح تتفاجأ وتتلفت حوالين حالك وتحكي : ايه , اااااااااااااه والله نصحان , شكرا انك نبهتني

كنت قاعد مع اصدقاء الي قبل فترة , وواحد منهم بحكيلي عن تجربته مع اصدقاء والده , هذول 2 اخوان بظلهم ييجوا عند والده لصاحبي , وشكله حظه منيّل هو اللي بفتحلهم الباب كل مرة , وكللل مرة بسمعوه نفس الموّال : انت ناصح كثير , لازم تلعب رياضة وتخفّف , وقعدو فترة منيحة وهمّه يسمعوه هالموّال , لحد ما اجا يوم اسود - بالنسبة الهم طبعا , صاحبي وجهلهم الكلام يومها بعد ما طرقوه وحكالهم

اسمعوا علي جاي , ترى انا محترمكم عشانكم كبار وصحاب ابوي , والا انا مش طايقكم

انا طبعا تخيّلت هيك منظرهم

طبعا توفّينا من الضحك يومها
ممكن اكون كتبت حوالين هالموضوع , انه اذا عندك كلمة منيحة احكيها , ما عندك اختصر عحالك , مني وعلي ما بحب احكي لحدا انك نصحان او ما شابه , ممكن احكيله انك ضعفت شوي , عدا عن ذلك , ما في داعي الفت انتباهه لشغلة هو اصلا عارفها , لأ وممكن تيجيني طرقة من وراها كمان

والأحلى لما تيجيك الشغلة بصيغة الأمر , زي جار النا شافني والا هو بحكيلي : روح سجّل بنادي والعب رياضة , انه يا زلمة انت شو دخل الست الوالدة فيّي انا؟؟
حكيتله انا هيك مبسوط , بحكيلي لأ , لازم تسجّل بنادي
كنت بدي احكيله : متى آخر مرة تطلعت فيها على مراية انت؟ لأنه شكلك زي جرّة الغاز عامل - ما بحب احكي عن حدا هيك بس هذاك جد ضايقني
والمشكلة انه هو نفس الشخص , قبل 15 سنة تقريبا اكل راسي قد ما حكالي انه غذّي حالك وانصحلك شوي - أيامها كنت زي عصاية القشّاطة

انداري , اخرتني انجلط قد ما بتبّع للعالم وحكي العالم اللي اله واللي ما اله طعمة

ملاحظة : هاي صورة زينة متفاجقة لما صورتها
:D

ممكن حدا يحكيلي ؟ - 4

2011-04-20T21:58:00.001+03:00

بما انه الوضع واااااااااااو من اول السنة لحد هسه , كثير كثيييييييييييييييييييييير عندي حكي , بس معظمه راح يطلع على شكل مسبّات وطرطقة ما انزل الله بها من سلطان , فا بحاول اختصر قد ما بقدر

المهمّ

ممكن حدا يحكيلي انا والشباب شو بنستفيد لما توقّف مجموعة بنات ويحكوا عن اخبار الجمّ اللي وحدة فيهم بتلعب فيه؟؟

يعني انا بهمّني لهالدرجة اني اعرف انك بتركضي كذا كيلو بالجمّ , وبتسبحي ودايرة بالك على كسمات ؟؟

وبتحكي كمان : لأ ما تحطّي سكر , في كتير كالوريز , ما بوكل كيك , ما بحب الخبز

بعديييييييييييييييييييييييييييين , انا شو جابرني اسمع كل هالحكي , والا معتبرتني انا والشباب زي اخوانها مثلا؟؟

يعني شو المسج اللي بدّك توصليها؟؟

والا انا بدقّق كثير واللي بصير عادي واقل من عادي؟؟؟

ممكن حدا يحكيلي اذا كان لاحظ اللي انا لاحظته؟؟

بتكون مولعة في بلد معيّن , والناس بتقتلّوا زي الجاج بالشوارع , وبطلعلنا رئيس هالدولة , وعاااااااااادي واقل من عادي , كأنه كل هالناس اللي بتنقتل بنقتلوا عالمرّيخ

كأنه معمّر القّذافي طوّل ؟ بعدين يعني؟ ناوي يقتلنا كلنا قبل ما ينعثر؟

ممكن حدا يحكيلي شو هالصفاقة اللي فيها هاي العالم؟

راحت جود

2011-03-16T20:25:00.001+02:00

الله يرحمها ويصبّر اهلها

......................

#B4JO كمان عذرا يا أردن

2011-03-12T14:32:00.000+02:00

مثل ما حكت رين , انا كنت كمان متحمّس للكتابة عن الأردن وشو بعنيلي البلد اللي انا عايش فيه من 20 سنة تقريبا

للأسف ,

الناس اللي زي اللي فوق - وهم كثر

احبطوني زي ما احبطوا غيري
اللي عالطالعة والنازلة شاطرين بقولة : ملوخياتك وعالجسر
اللي بسوى واللي ما بسوى صار يحكي هيك للأسف
اللي بدّه يسجّل موقف ويبيّن حاله انه بده مصلحة البلد صار يحكي هيك
على اساس انه هالكلمة راح تعدّل حال البلد وعلى اساس انه احنا همّ عالقلب

ما بدي احكي اشي كثير
بس بدعي انه ربنا يخلص الأردن والعرب أجمعين من كل منافق ومن كل واحد صاحب وجهين
كلنا شفنا كيف جماعة حسني مبارك كرفتوا ورا بعض زي براميل الزفتة اول ما وقع الزلمة
هذول همّه اللي ذابحين الأمة من الوريد للوريد

ودمت يا أردن بكلّ خير , من كللللل قلبي هالدعوة

قاع الخزانة

2011-03-09T11:30:00.000+02:00

مسا الخير عليكم جميعا

بذكر واحنا صغار ، كان عنا لعبة اتاري يدويّة ، كنا مبسوطين عليها انا واخوي ، مرة اخذتها امي وضبتها بقاع الخزانة ، سرقتها اكثر من مرة وكانت امي ترجعها لنفس المحل كل مرة

فا مرة من المرات ، رحت اوخذها من الخزانة كالعادة ، بس ما لقيتها ، شوية شنط واواعي قديمة كانوا بقاع الخزانة ، انحبطت شوي ، بس مع ذلك ، كنت كل مرة بدي اجيب اللعبة اروح لنفس المكان ، لأني صرت مرتبط بقاع الخزانة ، وانه فيها اللعبة ، وكل مرة كان ظنّي يخيب

لحد ما اجا اليوم اللي استوعبت فيه انه عمري ما راح الاقيها بقاع الخزانة

راحت الخزانة

وراحت اللعبة الله اعلم وين

وراحت الغرفة كلها كمان

وتغيّر البيت

وكبرت

وظلّ جزء منّي مرتبط بالخزانة القديمة وبقاعها وبالكراكيب اللي فيها

لأني كنت اذكر اللهفة اللي كانت عندي كل مرّة اروح هناك ، مع يقيني انها مش موجودة ، وانها راحت

لهفة بقابلها احباط لما ما الاقي اشي :)

ودمتم

King Nothing

2011-03-08T21:16:00.000+02:00

إهداء خاص لمعمّر القذّافي - الله يهدّه

قال سيف الاسلام قال

2011-02-21T23:30:00.000+02:00

والله حاس حالي منخرس

يلعن أهلك يا زلمة

بتجيب ناس من برة تدقّ وتقتل أهل بلدك

وك قززت امّياتنا وانت تقول الشعب الليبي والأخت الليبي

وقاعد بتحرق فيهم , هي هيك الدنيا؟؟؟

قصف جوّي وطخّ ومضاد طائرات ضد المدنيّين , يا زلمة يا كافر يا ابن اليهودية

وك انا بعيني هسه شايف الشيطان ماسك راسه بإيديه وبدقّ راسه بالحيطان عاللي شايفه منك ومن الكنادر اللي تحت ايدك

يا رب , تورجينا فيه يوم يشفي غليل كل مكلوم من وراه

حسبي الله ونعم الوكيل

والصفيق ابنه , طالع بعطعط امبارح , والله اليوم بحضر الخطبة تبعته وبدي افوتله عالشاشة اعضّ عرضه

قوم من قبرك يا عظيم

قوم احرق هالتافه , هالكلب اسهل عليك من الطليان اللي عدموك ودفنوك بمحل مجهول عشان ما حدا يزورك حتى

هو عشان هيك بتجهّز بجيشك وبعملوا استعراضات قدام اهلك كل سنة

عشان آخر اشي تفلّتهم زي الكلاب على بعضهم؟؟؟؟؟

حسبي الله ونعم الوكيل

الكم الله يا ليبيا

وربنا نعم المولى ونعم النصير

آسف على بعض الكلمات اللي برّة النص**

تحشيش - زار لحسني مبارك

2011-02-11T19:48:00.000+02:00

معلومات عن الزار

خالد سعيد

2011-02-10T10:00:00.000+02:00

قوم من قبرك

شوف شو صار بعدك

رحمة الله عليك

ولعنة الله على كلللللللللللللللللللللل ظالم ومستبدّ

مصطلحات ما أنزل الله بها من سلطان

2011-02-05T22:15:00.000+02:00

يشجب

يدين

يستنكر

يبدي تخوّفه

يبدي تحفّظه

يبدي استيائه

يبدي قلقه

يترقب بقلق

يعلن أسفه

يعلن تأييده

نفسي اشوف التعبير الموافق لكل من هاي المصطلحات
يعني اللي بشجب كيف شكله ؟ زي هاذ؟

والا اللي بستنكر

واللا اللي ببدي استيائوووووووووووووووووو
:D

والله هبل اللي عايشين فيه احنا

هشام الجخ - قصيدة جحا

2011-02-02T18:06:00.001+02:00

مبدع بكل معنى الكلمة

اشي بقشعر البدن

امتناع عن السياسة

2011-01-30T22:14:00.000+02:00

الصراحة , السياسة قذرة جدّا

ومع كل اللي شفته واللي شايفه واللي راح نشوفه , مش مستنظف اكتب اي اشي , لأنه الظلم بالنسبة الي لما اشوفه بعيني , بخرسني , لما اشوف ناس مدنيّين بنضربوا بكل همجيّة وتياسة , بنخرس , جرّبوا أعطوهم قناوي ولبسّوهم خوذ زيكم , وبعدين تشاطروا عليهم

حسبي الله ونعم الوكيل , بس عندي شويّة ملاحظات بسيطة

ليش الدول الغربيّة - أوروبا وأمريكا - بدحشوا حالهم عالسريع بقضايا مختارة , يعني كانوا منطمّين وساكتين وقت أحداث غزّة , ولا شفنا مسؤول ولا حتى مراسل منهم طلع وحكى كلمة

حتّى الإشي السخيف اللي اسمه : الأمم المتحدة - المفروض اسمها الأمم المتحدة الأمريكيّة بالمناسبة , ما ببيّنوا الا بالوقت اللي ما الهم فيه داعي من مرررررررررة , وهمّه كلهم اصلا ما الهم داعي , ولو بستحوا على دمّهم بفرطوها وخلّي أمريكا تقرر زي ما بدها وتعطي ال"فيتو" في وجه كل واحد بفكّر يتنفّس جهة اسرائيل

كثير انبسطت لما شفت المدنيّين وهمّه برحبوا بالجيش - في مصر وتونس بالمناسبة , مع انه الجيش أقوى بكثير من الأمن والشرطة , والمفروض انهم بخوّفوا أكثر , بس كان الشعب يوخذهم بالحضن , منظر غريب , بس كثير حلو

عندي تساؤل بالنسبة لتشي غيفارا , ليش بنلاقي صوره بكل مكان اله علاقة بثورة , مظاهرة او حتّى تجمّع , هل انه تاريخنا ك عرب ما فيه رموز للمقاومة والتحرير ؟ يعني ماله عمر المختار مثلا؟ ماله يحيى عيّاش ؟
بلاش عرب يا سيدي , ماله المهاتما غاندي ؟ والا مش كووووووووول يا دووووووووود

والحلو كمان , انه طلعنا كلنا بنفهم بالسياسة لأبعد الحدود , بس لو احنا عرفنا قديش هي قذرة , كان ما حدا تكلّم بحرف عنها

ودمتم

"Life Is Good" Tag :)

2011-01-25T21:25:00.000+02:00

The "Life is Good Award" is actually a scanned Hallmark greeting card that comes with some questions to answer

1. If you blog anonymously, are you happy doing this? If you aren’t anonymous, do you wish you started out anonymously, so that you could be anonymous now?

I Started Anonymously, And Gradually My Personal Life Intersected With My Blogging Life, I Really Regretted That, And I Wish I Continued Anonymously.

2. Describe an incident that shows your inner stubborn side

Stubborn-Me Usually Shows In Project Meeting, I Become Kinda Aggressive Person Towards What I Believe In Unless Someone Proved Me Wrong, Then I Simply Back-Off.

3. What do you see when you really look at yourself in the mirror

I See A Thousand Word Right Through My Eyes.

4. What is your favorite summer cold drink?

My All-Time Favorite Cold Drink Is Fruit Cocktail, Unless There Was A Meal, Then Its Pepsi :)

5. When you take time for yourself, what do you do?

Lay On The Couch, Open TV. And Stare Into Void.

6. Is there something that you still want to accomplish in your life?

Yes , A Lot , And On Top Of Those Is Inner Peace.

7. When you attended school, were you the class clown, the class overachiever, the shy person, or always ditching?

The Shy-Yet-Respectful One, Thanks God , Most Of The People Around Me Likes Me, People Who Dont Know Me Would Simply Say : He Is Arrogant Grumpy Person.
Again, Thanks God For All Good People In My Life, And They Are A Lot :)

8. If you close your eyes and want to visualize a very poignant moment in your life, what would you see?

I Already Talked About One Moment Here , There Is Another One Too, I Took My Little Princess To Hospital Once, She Was Really Sick And They Had To Put The Drain Into Her Tiny Little Foot, She Was Crying Out Of Pain While She Was Sleeping In My Lap, That Moment Really Touched Me Deeply.

9.Is it easy for you to share your true self in your blog, or are you more comfortable writing posts about other people and events?

No, Not At All, My Dear Blogger Friends Can Accept Me Or Anyone As Is, But Sometimes People Whom Are Not Into Blogging, They Cant Just Accept You As You Are.
So Generally, I Try To Avoid Talking About Inner Me As Much As Possible.

10. If you had the choice to sit down and read a book or talk on the phone, which would you do and why ?

Reading A Book For Sure, I Try To Keep A Book Next To Bed To Read Before Sleeping.

I Dont Know About People Who Really Did This Homework, So I Will Keep An Open Invitation For That.

Thank You Whisper For The Tag :)

المدوّنة في إجازة

2011-01-18T17:05:00.000+02:00

مسا الخير عليكم جميعا

المدوّنة إقترحت عليّ انها توخذ اجازة مفتوحة

وأنا وافقت , وإن شاء الله إنها ما تطوّل

الله يسعدكم ويهنّيكم وين ما كنتو , وان شاء الله بترجع المدوّنة قريبا

محمد بوعزيزي

2011-01-17T18:04:00.000+02:00

مسافر يا أمي، سامحني، ما يفيد ملام، ضايع في طريق ما هو بإيديا، سامحني كان (إن كنت) عصيت كلام أمي. لومي على الزمان ما تلومي عليّ، رايح من غير رجوع. يزّي (كثيرا) ما بكيت وما سالت من عيني دموع، ما عاد يفيد ملام على زمان غدّار في بلاد الناس. أنا عييت ومشى من بالي كل اللي راح، مسافر ونسأل زعمة السفر باش (أن) ينسّي.

اشي بقطّع القلب , ربنا أرحم فيك من هاي العالم , الله يرحمك برحمته

معزول فكريّا

2011-01-11T17:00:00.000+02:00

جرّبتوه الشعور هاذ؟
ما يكون الك صلة بالواقع , من ناحية تفكير
يعني بتصير معي مرات وأنا بسوق , بتكون بس عيني عالطريق
وتفكيري من مرّة مش بالسواقة , خلص بطلع من الشركة , بلاقي حالي باب الدار - مع انه في مسافة 20 كيلو تقريبا بينهم

حلو , جميل جدا هالشعور

اذا في حدا عارف شو قصدي , يحكيلنا رأيه \ رأيها
ودمتم
:)

الصورة من البوم صديقي وليد

أحقر لص بالتاريخ

2011-01-09T16:34:00.001+02:00

المنظمة الاسرائيلية ((الأخلاقية)) رفضت التعليق، وباتصال من معد التقرير في الـ'BBC' قال أحد مسؤوليها في الولايات المتحدة 'حذفنا الصورة. وليس لدي أي تعليق آخر'.

أحقر لص في التاريخ الانساني

الكيان الاسرائيلي اللص..حتى آلام الفلسطينيين يسرقها!!!!!!

تعتبر مائير بونيم Meir Panim

وتعني بالعربية (الوجه المنير) المؤسسة الخيرية الأكثر احتراما وأخلاقا لدى (شعب الله المختار) وأصدقائهم وخاصة الغربيين من ذوي القلوب الرهيفة الرحيمة. نظرا لرسالتها (الأنسانية السامية) وأعمالها (الخيرية المذهلة) التي تبتز بها "القديسة تيريزا" و"منظمات الإغاثة الدولية والأنسانية المحترمة".

المنظمة المنتشرة في أكثر من عشر دول غربية ابتداء من لوكسمبورغ وليس انتهاء في استراليا وامريكا بساحليها وكندا وفرنسا وبريطانيا العظمى وألمانيا وصلت أياديها البيضاء لدعم منكوبي هايتي، وضعت برامجها المميزة لإغاثة مستدامة لـ1631000 فقير إسرائيلي بينهم أكثر من 780 ألف طفل يعيشون في فقر مدقع.

المتابع لموقعهم الالكتروني، وموقعهم على الفيس بوك، ويرى متطوعيهم، وتقاريرهم، واهدافهم النبيلة، لكسب التبرعات من أنحاء العالم، لخدمة المنظمة الأكبر والأنبل في تاريخ (إسرائيل) والتي تقوم أعمالها على الشفافية العالية والصدق المطلق، والأهداف الأكثر أنسانية وديمومة متخطية الحواجز الضيقة، لتعكس صورة مشرفة عن مجتمع (إسرائيل) واهدافها (النبيلة). ويطالبون الناس بـ "الفكة" التي ستحدث الفرق لدى المحتاجين.

في آخر حملة (لابتزاز العواطف الغربية) وبرواية آخرى جمع التبرعات الخيرية، وضعت هذه المنظمة "الأرق والأصدق والأنبل" في تاريخ الكيان الاسرائيلي، والتي تحظى باحترام دولي وإنساني منقطع النظير. 'البروشور' الذي اعتمدته مائير بونيم وطبعت منه الملايين وروجته عبر موقعها الالكتروني برفقة تقارير إعلانية محترفة لتعرف البشر الطيبين على دورها الإنساني الفريد.

واختارت "بذكاء مبهر" تقريرا نشرته الصحف العبرية عن وجود أكثر من 780 الف طفل إسرائيلي جائع، وفي الأعلى وضعت صورة (لطفلة اسرائيلية)، قتل أهلها الفقراء بهجوم (همجي) فلسطيني تركها يتيمة مخضبة بالألم ونضحت عيناها بالدموع ووجهها البريء يضج حزنا يفتت أكثر القلوب صخرية.

الحملة استمرت لأشهر بنفس (المانشيت) والصورة، قام مندوبو مائير بونيم، بتوزيع "الكلينكس" على المتبرعين، وأخذ التبرعات منهم وهم يحدقون بصورة الطفلة المعذبة لاطعام الجياع ودعم الأطفال (الإسرائيليين الأبرياء) الذين وجدوا أنفسهم بلا ذنب أيتاما على قارعة 'الكيبوتسات' من وراء (إرهاب الفلسطينيين القساة).

لحظة !..

كل ذلك كان سيكون صحيحا لدى الغرب المفرط بالتسامح الموشوم بعقدة ذنب تاريخية لولا بعض المدونين الغربيين والعرب، الذين وجدوا شيئا مريباً، إن صورة هذه الطفلة التي تتصدر الحملة الأخلاقية والإنسانية لمنظمة وبرواية أخرى لجمعية، مائير بونيم ما هي إلا صورة ((((طفلة فلسطينية)))) من مخيم بلاطة التقطها المصور الفلسطيني فادي عدوان للطفلة يوم تشييع والدها، وشقيقها وعمها وأولاد عمها الأثنين الذين (داعبتهم) قذيفة إسرائيلية (فقرروا) التوقف عن التنفس.

وقامت صحيفة (نيو ستيتمنت) وبعض المدونات بالتنبه إلى هذه السرقة العلنية من قبل المنظمة الاسرائيلية (الانسانية جدا) و(النزيهة جدا جدا)، وتابعت الـ'بي بي سي' العربية القضية طارحة تساؤلا هاما برسم كل الإعلام العربي:

ألا تستحق هذه القضية أن تكون على الصفحات الأولى للصحف العربية ؟؟؟؟؟

فالقضية ليست استخدام صورة بالخطأ وخاصة أن 'هآريتس 'الإسرائيلية و'الأندبندنت' والتلغراف الأنكليزية نشروا الصورة للفتاة الفلسطينية أثناء حرب غزة. ولكن منظمة (الوجه المنير) الاسرائيلية لا تتورع عن استخدام سرقة حتى آلام الشعب الفلسطيني، لتستدر عطف العالم المتباكي على الكيان الاسرائيلي.

إذا كانت المنظمات الأخلاقية الإنسانية الإسرائيلية بهذا السلوك الذي أقل ما يوصف به بأنه سلوك حقير ولا أخلاقي ولا انساني و ....... (يملأ الفراغ بعبارات غير ممكن استخدامها صحافيا).. فكيف بسلوك منظمات الاحتيال والجشع والكذب والقتل والاغتيال والموت الاسرائيلية ؟؟؟؟؟؟

المنظمة الاسرائيلية ((الأخلاقية)) رفضت التعليق، وباتصال من معد التقرير في الـ'بي بي سي' قال أحد مسؤوليها في الولايات المتحدة 'حذفنا الصورة. وليس لدي أي تعليق آخر'.

يعني الصمت هو الاستراتيجية الأمضى كلما حدثت فضيحة مجلجلة للكيان الاسرائيلي ومؤسساته.

مذكرات مصعب

2011-01-04T07:52:00.000+02:00

مصعب شخصية عزيزة علي , صديقي ومن زمااااااااان بعرفه - طبعا مصعب مش اسمه الحقيقي

مرة واحنا سهرانين عنده في البيت , قعد يحكي عن ذكرياته , راح احاول اكتب شوية من هالذكريات

اخذ نفس من سيجارته , نفس عميق حسيته فشة غل اكثر منه نفس , ولما طلّعه من مناخيره بيّن زي القطار

تطلع علي فجأة , بسألني : كيف كانوا اهلك معك وانت صغير؟

فاجئني بالسؤال - خاصة انه كنا نحكي عن السيارات , تلعثمت شوي ,اجا ببالي شوية صور من الماضي , وقلتله اجمالاً منيح كان الوضع - ولو انها طلعت بلهجة ما اقنعتني انا حتى

فا بلّش مصعب يحكي مقتطفات من طفولته , بحكيلي

طول عمري كنت اضحك على عبارة : الأهل بحبو ولادهم بطريقة متساوية

بعيني وبقلبي لمست مدى كذب هالعبارة

بتعرف اني مرّة ترجّيت ابوي ترجاية انه يوافق اني اشتري بسكليت - يوافق بس لأني كنت محوّش حقّه - وما رضي واصرّ على رأيه

حكيتله طيّب وين المشكلة ؟ ما همّه لما بدهم يعنّدوا بعنّدوا بغض النظر على صح او غلط

حكالي : المشكلة انه بعد فترة اشترى لأخوي اللي اصغر مني بسكليت والثاني والثالث بعد ما كسّر كل واحد فيهم :)

سكوت من جهتي كان , ما عرفت شو احكي لمصعب

كمّل مصعب : مرة اخذت رأيه عشان كنت بدي أروح على نادي لياقة , حسيته بده يطلّق امي اذا رحت - أنا ضحكت هون خخخخخخ - وبعد سنة كان اخوي مسجّل بنادي وبلعب وما شاء الله عنه

مع انه اخوي مغلبهم لأهلي , بس اموره حلاوة معهم

مرة روّحت طلبت من امي انها تعملي عشا - مع اني بالعادة ما بحب اغلبها - الا انها حكتلي انها تعبانة ومش قادرة , عذرتها أكيد , ما هي طول اليوم شقيانة بالبيت , رجعت بعد نص ساعة عالبيت , لقيتها بتعمل عشا لأخوي اللي اكبر مني , تجرأت وسألتها ليش هيك , حكتلي انه اخوك احرجني وخلاني اعمله عشا

اجمالا , اهلي من هاذ النوع , اللي بكون ماشي زي ما بدهم , بدقروا معاه على كل اشي , واللي بكون ما برد عليهم من مرة , بتركوه براحته , وال2 بكونو "مرضي" عليهم

الصراحة حكي مصعب ممكن يكون فيه نوع من الكفر بالقيم اللي تربينا عليها والحوادث اللي صارت مع مصعب من والده ووالدته كمان , جد خلتني اصفن - طبعا المواقف اللي فوق هي مجرّد عيّنة عشوائية

شغلات بسيطة , ماشي , ما الها اثر كبير , بتخيّل الها أثر اللي بتخلي شب طول الحيط يستذكر هيك مواقف وما تنمحي من ذاكرته

الأهل , ممكن يغلطوا وممكن يكونوا صح , هل كونهم أهل بعطيهم الحق يتصرّفوا كيف ما كان ؟

شو رأيكم ؟ ودمتم

...

2011-01-02T15:44:00.002+02:00

ممكن حدا يحكيلي ؟ - 3

2010-12-30T21:31:00.000+02:00

ممكن حدا يحكيلي كيف الناس بتدّعي انها متديّنة وعندها واحد او اكثر من هاي الاخلاق السيّئة؟

العنصرية - اكثر اشي بكرهه بالدنيا

اللبس اللي مش غاد غاد

الأخلاق المعدومة

قلّة الحيا والنيّة الكاوشوك

والا الدين اشي والشغلات هاي اشي ثاني

ومش شرط وجود الأول انه يلغي الثاني؟

يعني ما بحكي عن حالي كثير كثير متدّين , بس في بعض الأحيان بميّز الصح من الغلط

انداري

ممكن حدا يحكيلي كيف الناس اللي فش حدا بحبهم او بطيقهم عايشين؟

يعني كنت بحضر المصارعة على آكشن , بتابعها نسبيا

في مصارعين جد جد امهاتهم ما بتطيقهم

وهلمّ جرا , يعني جد كيف عيشتهم هذول؟

طبعا نفس الحكي والسؤال بنطبق على الناس اللي حوالينا

كثيرة الاسئلة اللي بدها أجوبة

كثييييييرة كثير

The Memory Remains

2010-12-30T18:00:00.000+02:00

One Of My All-Times Favorite :)

واجب تدويني - حصاد 2010

2010-12-28T16:11:00.000+02:00

السؤال الأول: ما هي اهم الأحداث التي طرات على الصعيد المهني - التعليمي لهذا العام؟

على الصعيد المهني ما تغيّر اشي كثير , انحطيت على مشروع بشهر 4 ولساتني عليه , لووووووول

السؤال الثاني: ما هي أهم إن الإنجازات على الصعيد الشخصي و الأسري؟

ما بقدر اعتبره انجاز , هو نعمة من ربنا اللي رزقني زينة

السؤال الثالث:ما تقييمك العام لسنة 2010؟

اجمالا 2010 كان مجرّد رقم انضاف على قائمة السنين , ما حسّيت فيه اشي كثير مميّز صراحة

السؤال الرابع: أهم طموحاتك و اهدافك للسنة الجديدة 2011؟؟

بدي ان شاء الله اسعى بقصّة البيت , سواء اني اوسّع البيت الحالي او اشتري بيت , وان شاء الله بتمشي الامور

في شوّية امتحانات المفروض اقدمها عشان الشركة برضه

وبدّي اعتمر بأول نزلة الي عالسعودية ان شاء الله

اختر أسماء أصحاب 5 مدونات للمشاركة

خوف الله كل اللي بعرفهم عملو الواجب
بس احتياطا
ويسبر
رين
وحبيبونا وحل

الدعوة اجتني من البرجوازي هيثم الشيشاني

لتسهيل حياتنا

2010-12-26T16:48:00.000+02:00

ندّعي الجنون
والإنفصام
وكلّ ما هو قبيح وغير سويّ
فقط لنبعد كلام الناس ونتجنّب نظراتهم الحارقة
ولا نجرؤ حتى أن نهمس لأنفسنا : أنا سويّ , أنا لست مجنوناً

الإنسان والرضى :)

2010-12-23T07:31:00.000+02:00

لن يشعر الإنسان بالرضى حتى يتساوى عنده المنع والعطاء

I Miss ...

2010-12-19T17:47:00.000+02:00

My Camera

شركة بيت الشمس للتسويق

2010-12-13T12:42:00.001+02:00

صباح الخير , صباح البرد والشتا والثلج , أحلى اشي بالدنيا

قبل فترة كنت في السيفوي القريب على دوار المدينة , وانا بشتري اغراض , اجا عندي شب لابس باج على صدره , بحكيلي من بعد اذنك بدي اسألك شوية اسئلة واذا بتجاوب عليها بتربح معنا جائزة مرتّبة

سألني أسئلة بسيطة جدا - انسو انو في سؤال ما عرفت اجاوبه - الاسئلة على هاذ النمط

عددلي 3 من عجائب الدنيا السبع

أطول سورة بالقرآن الكريم

وهكذا

جاوبت انا وما شاء الله عني , والا هو بحكيلي ربحت معنا اقامة لمدة 5 ايام - 4 ليالي بفندق 5 نجوم من اختيارك , انا التخمت رسميا , انه وحّد الله يا حميدو !!! قالي بس في شرط بسيط عنا , انه تيجي بكرة تحضر زي حفلة عنا بالشركة عشان نوزّع الجوائز عليكم , بس بدي مبلغ بسيط - على حد تعبيره - 10 دنانير مستردّة اول ما اجي عالحفلة

اعطاني كرت للشركة ووصل بال10 ليرات , انا اول ما شفت الكرت تبعهم نقزت , وعرفت انه القصة فيها ملعوب - ما بدي احكي شو اللي شفته بلاش حدا منهم ينتبه ويعدّل الخطأ - , روّحت انا بعدها ومأمل النفس باجازة في اسبانيا او تركيا او فرنسا - برضه على حد تعبيره

نمت وصحيت ثاني يوم الصبح , بقول لحالي مستحييييييييل يزبط معي اشي هيك , فتحت الغووغل - الله يخليلنا اياه جد - حطيت اسم الشركة , ولقيت انه الشركة سلامتك , بتعمل نهفات بالعالم تحت مسمى انها بتبيعك اسبوع بالسنة على سكل اجازة بمنتجع - فندق فخم - شاليه , الخ وبتطلب منك دفعات مالية علشان توخذ الاجازة , ووقت الجد بتبلّش المماطلة , شوفو هون

لما شفت هيك , تذكرت سؤال حسيته ما اله دخل باشي , سألني عن دخلي الشهري اذا فوق ال1500 دولار , طبعا دخلي اقل من هيك بشويّ, فا شكله هالسؤال عشان يشوفوا حالهم راح يتغلّبوا معي او لأ

هسه عالورق ,حاس كل اشي قانوني , يعني الجماعة ما بضربوك على ايدك توقّع معهم

فا ديروا بالكم اذا اجا حدا قرّب عليكم بالمول بنفس الطريقة

الفرق بين الشرق والغرب

2010-12-06T22:28:00.000+02:00

قام رجل صيني واسمـه لي يونج كان يدرس في المانيـا برسـم هذه الصـور الرمزيـة عن الاختلافـات التي فهمهـا بين المجتمعين الغربي والشـرقي

Blue=West Red=East

المعارف

النظرة للمدير

الغضب

مواجهة المشاكل

الشوارع يوم العطل

الوجبات على طول اليوم

المزاج حسب الجوّ

يوم في حياة مسنّ

الرأي

الحفلات

السياحة

دقة المواعيد

الطابور

حدّث ولا حرج

الصوت والضجّة في المطاعم

وسائل التنقّل

أسلوب الحياة

يعني برأيي

معظم الشغلات صحيحة

في منها اشياء بالنسبة النا مش سلبيّة

بس من جهة نظره , انا حاس انه كل الافكار عن الشرق بشكل عام فيها شوية عدم دقّة

شو رأيكم

ما يجري حاليّا

2010-11-29T18:44:00.003+02:00

خطّت يداي عشرات الحروف

حاولت عبثاٌ تكوينها لترى الضوء كلاما منظوما

ولكن , يبدو أن الكتابة اضمحلّت بداخلي حتى قاربت على الإختفاء

أشياء بتضايقني

2010-11-21T22:10:00.000+02:00

مسا الخير

في شغلات كثير ما بحبها بالحياة , بحاول اتذكّر قدر الإمكان

ما بحب مصطلح "يرحم جدّك" بكل النغاشة المرتبطة فيه , ومرات كثييييييير بمسك حالي إني ما أطرق اللي قبالي لما يحكيها - للّي ما بعرفني شخصّيا : لما أطرق , بطرق بقسوة

مرّات لما تسأل واحد : كيف حالك ؟ ويجاوب : أحسن منّك , برضه بتطلّع عليه بشبه ابتسامة لأني بكون طرقته من جواتي وخلصّت

السواقة في الأردن , يعني بحكوا عن السواقة بالسعودية أعطل من هون , لا والله , انا معي رخصة سعودية وبسوق هون وهناك , هون أعطل بكثيييييير , لأنه المعظم هون - إلا من رحم ربي - بغلط بكل وقاحة وبتصرّف كأنه عادي وأقل من عادي , طبعا انسى اللي بكون ماشي بسرعة 40 أقصى الشمال ويمينه فاتح , هذول عندي من المقرّبين , حبيباتي هذول

بكره التهبّل أو الاستهبال , يعني احكيلي بوجهي انك بدك تضحك عليّ وتستهبلني , ما بزعل , بالعكس , يمكن أمشي معك , أما انك تسوق الهبل عليّ , يعني ما بحبها , وفي الغالب راح تكون ردة فعلي زي النقطة الثانية

بكره الإبتسامة الصفرا

بنمكت لما اروّح عالبيت والاقيهم "طابخين" معكرونة , بعتبر المعكرونة قمّة الهبل والتهبّل على الناس , انه بالله عليكم !!!! طابخين معكرونة ؟؟؟ واااااااااو , يو ميد ماي هووووول ويك , ثانكس

بخفّ عقلي من الظلم والتمييز بدون سبب

بخفّ عقلي من المواعيد الطرمة , والتدهلز , والكلام المعسول اللي ما بسوى الهوا اللي نقله لذنيّ حتى

بخف من عقلي من الضباب

بحب الشمس

بحب الشتا والغيم , بس بكره الضباب كثير

بحبّش التفاؤل المفرط اللي مش بمحلّه

مرّات بخفّ عقلي من حالي لما اتطلّع عالمراية كمان

ممممممممم , بالنهاية , خافّ عقلي من زينة اللي عملت اللابتوب طبلة ومش مخليتني أعرف أكتب

شو في أشياء بتضايقكم , قديش نسبة التطابق مع الأكمن شغلة اللي كتبتهم؟

ودمتم

التقليد والإبتكار

2010-11-13T21:53:00.002+02:00

مسا الخير عالجميع
عمره حدا فيكم جرّب يترجم أغنية أجنبية للغة العربيّة؟؟

خلينا نشوف ترجمة مقطع بسيط لأغنية لميتاليكا مثلا

نهاية تلعب العاطفة ، وتنهار بعيدا
الرائدة في مجال البناء وفيات الخاص طعم لي سترى
أكثر هو كل ما تحتاج
مكرسة ل
كيف قتل ابن لكم
يأتي الزحف أسرع
طاعة سيدك
حياتك الحروق أسرع
طاعة سيدك
ماجستير

الفكرة من ورا الموضوع
انه مش كل اشي بيتاخذ زي ما هو
لو اخذنا الغنمة ولبسناها بدلة ونظارات شمسية
ما راح تتغيّر من جوة , هي غنمة
في شغلات كثير بنوخذها زي ما هي , تقليد أعمى وقريب عالطرم حتى

يعني كثير بتمر علي مواقف , بتدل انه في ناس كثيييير شلّفت البوصلة عندها وبطلت عارفة شو بدها بهالدنيا او حتى ليش بتعمل اللي بتعمله

مش غلط نتطلع على تجارب ثانية , نوخذ منها ونتصرف بطريقتنا
او بنبدا احنا تجربتنا الخاصة , عشان بأي لحظة لما حدا يسألنا ليش عملت هيك , اقل ما فيها اعرف اجاوبه

حاس انه الأفكار دخلت ببعض رسميّا
:S

دمتم سالمين وكل عام وأنتم بألف خير وتقبّل الله الطاعات

عمرو خالد على طريقة الدواوين

2010-11-11T12:32:00.000+02:00

مسا الخير جميعا

كنت قبل فترة عند الحلّاق , وكان قاعد عنده على كراسي الانتظار شب دواوين* , مش عارف شو خطر عبالهم الجوز - الحلاق والدواوين , وفتحوا سيرة قصص الأنبياء

يعني اوكي , الحلّاق ملتزم وما شاء الله عنه , بس لما كنت اسمع قصص الأنبياء من الشب الدواوين , خفّ عقلي رسميا

وهاي شويّة مقتطفات بلسان الدواوين

"والله لو تسمع قصّة أيّوب , غير تنجنّ"

لاحظو انه الشب رفع التكلفة

"يا زلمة اهل حارته لأيوب , رموه قريب عالحاوية , وصارت مرته تجيبله الاكل بالعقل"

التكلفة مرفوعة كمان

" مرة أيوب راحت باعت جدايلها وجابتله اكل , فا سألها من وين هالأكل , قالتله دبّرت حالي , فلمّا عرف انها باعت شعرها , خف عقله منها "

عادي وأقل من عادي لوووووووووول

"لما نزلو الملائكة على لوط , اجو قومه وحكوله : طلعلنا الشباب اللي عندك جوّة , حكالهم يا اخوان , هاي بناتي , تزوجّوهم احسنلكم من هالقصة , حكوله انت عارف ما النا مصلحة ببناتك"

طبعا هاي الجزئّية كانت مصحوبة بحركات تشبير** , انا شايفه من انعكاس المراية

أنا يومها ظليت صافن فيه , انه يا زلمة شو بتخبّص قاعد انت , حتى لو القصة صح , بس مش اسلوب من مرررررررررررة , بس لما شفت الحلّاق مندمج معه , قلت شكله انا الأطرم اللي ما بعرف أسمع

فا صراحة من يومها لليوم , تشوهت نظرتي عن القصص , صار لازم اسمعها من مصدر موثوق لمدة 4 ايام متواصلة عشان امحي الصورة الحالية

ودمتم سالمين

مصطلحات وردت في النص

الدواوين : شاب مشكلجي زعرنجي اله عالمشاكل والهمالة بعيد عن السامعين , مرات بكون من ارباب السوابق

التشبير : يراد بالتشبير الحركات والاشارات المرافقة للكلام , وتعتبر جزء لا يتجزّء من القصة

Status Report

2010-10-29T21:16:00.000+02:00

مسا الخير

صارلي تقريبا اسبوع ما بين المرض وعدم المرض , يعني لا انا مرشّح ومرتمي بالتخت , ولا انا صحتي منيحة وماشي الحال

يعني بروح عند ال

Client

وبتكون خنانتي على وجهي وعيوني حمر

بس الحمد لله , ما بخليهم يتبعوا للخنانة

بالجهة الثانية , امبارح وانا واقف على الدوار , اجاني واحد من ورا , داخل عالدوار ومش متطلع قدامه , ضرب السيارة ضربة جامدة فوتني الدوار , بس الحمد لله , ما كان في ناس جاية والا كان الله اعلم شو صار

نزلت , حكيتله الحمد لله عالسلامة , شو صار معك؟

بحكيلي انه كان يتطلع عالجهة الثانية ومش متوقع انه حدا يوقّف قدامه

يا حبيبي :) , خلص روح عمي الله يسامحك

طبعا رقبتي انملعت من حزام الأمان وراسي ضرب بالسقف , بس تدقّوش , والشب اللي معي ظهره لمع على قولته - عاد هو قصده انملع , بس الحمد لله , كان ممكن الأمور تكون اسوأ من هيك بكثييييير

طبعا الي ذكريات سيئة مع الحوادث أنا , ورجع صوت الحادث الأول يصدح براسي مع اني نسيت هالصوت من فترة منيحة

بالمقابل , بلّشت افقد من قعدتي هون , اول مرّة بتضايق من سفرة , عاد انا بحب أنزل عالرياض , بس هالمرة كان الجوّ كله غريب

ناهيكم طبعا عن الاشياء اللي بتصير مع الواحد كل يوم , سواء من شغل , او ادارة , او ناس بتحتك فيهم, او حتى مع نفسي

لسه برضه مش عارف أكتب زي أول , شكله الصيام راح يطول هالمرة زيادة عن المعتاد

دمتم سالمين وربنا يبعد عنكم الشر انتو وحبايبكم يا رب

ملاحظة : الصورة المرفقة تعبيريّة مش أكثر , مش لهالدرجة حظي اخص اللي تضربني سيارة شرطة

قصيدة منقولة

2010-10-26T20:30:00.000+03:00

صعب لامنّك فشلـت .. وصعـب لامنـك لقيـت
إن من يكـره نجاحـك .. يـدري إنـك مانجحـت

أمس ضقت .. ورحت أقلّب ذكرياتي .. وأنتهيـت
عند صورة طفل صوته مثل صوتـي.. لاانجرحـت

وش مثـل لا والله إلا هـذا أنـا ...يــوم ابتـديـت
أنطق حـروف ٍ تلعثـم فـي لسانـي... لا أنمدحـت

هـذا انـا.. يـوم الحيـاه فنظرتـي عشريـن بيـت
ومسجدين .. ومدرسه من طين كم فيها اصطبحـت

هذا أنا وأصبحت اتمتم : " هذا انا " حتى بغيـت.
.. أختنق .. بس القدر عيّا على موتي .. وطحت

وصاح صوت الطفل فيني : " أنت من وين ارتميت"
قلت أنا المستقبل اللي فيـه كـم همـت وطمحـت

أمس كنت أبيـك تكبـر .. بـس والله لـو دريـت
أني اللي عشت لأجلـه مـتّ عنـدك وأسترحـت

لو دريت إن الزمان يجـرّ رجلـي .. مـا عديـت
ولو دريت إن البحـور بـلا موانـي .. ماسبحـت

كان دربك لي طويـل .. وكـل ماشفتـك هويـت
قلت لك : كبوة جواد .. وما كبيـت إلا وجمحـت

ليـه تسمعنـي وتمشـي ؟! آه ليتـك مـا مشيـت
و آه ليتك مـن كثـر عثـرات الأيـام أنتصحـت

ضاعت احلامي .. وظلّ الحزن فيني .. وأهتديـت
للطريق اللـي يودينـي علـى دمعـي .. ورحـت

يالحزن .. ليتـك مثـل دمعـي وتنـزل لا رقيـت
بس أعرفك .. لو مسحت الدمع تبقى ما انمسحت !

كان حلمي .. في وجـود إنسـان يبكـي لا بكيـت
وصار حلمي .. في وجود إنسان يفرح لا فرحـت

كنت أشوف الناس مثلي كل مـا جعـت وضميـت
مادريت إن الأوادم نـاس فـوق .. ونـاس تحـت

آه يـاأول ذكرياتـي خذنـي فحضـنـك نسـيـت
لأسألك عن وجه ابوي اللي معـه يامـا سرحـت

خذني فحضنك أبغفـى .. يـاه مبطـي ماغفيـت
وإن لمحت دموع عيني .. سـو نفسـك مالمحـت

خذني فحضنك .. وبعثر في جروحي وإن قضيـت
هزّ لي كتفي .. وقل لي : عيب تبكي لو سمحـت

إضحك .. وعلّم زماني من أنا .. ومن وين جيـت
طقّ باب الحزن .. واصرخ فـيّ لامنـي فتحـت

و ضمّني يمّك .. وكمّـل ضحكتـك لامـن بكيـت
ودي أذكر كيف كانت ضحكتـي لامـن فرحـت !

**************

قصيدة من أررررررررروع ما قرأت في حياتي كلها

ما عندي فكرة مين مألفها

احنا والنظام

2010-10-25T11:32:00.000+03:00

يقول الشيخ علي الطنطاوي -رحمه الله -
حدثني رجل كبير القدر صادق اللهجه قال: كنت في لندن ،فرأيت صفا طويلا من الناس يمشي الواحد
منهم على عقب الآخر ممتدا من وسط الشارع إلى اخره

فسألت فقالوا أن هنا مركز توزيع وأن الناس يمشون اليه صفا كلما جاء واحد اخذ آخر الصف فلا يكون تزاحم
ولا تدافع ولا يتقدم احد دوره ولو كان الوزير ولو كان أمامه الكناس وتلك عادتهم في كل مكان على مدخل
الكنيسة وعلى السينما وأمام بائع الجرائد وعند ركوب الترام أوصعود القطار .

قال: ونظرت فرأيت في الصف كلبا في فمه سله وهو يمشي مع الناس كلما خطو خطوة..
خطا خطوة لايحاول أن يتعدى دوره أو يسبق من أمامه ولا يسعى من وراءه ليسبقه ولا يجد غضاضة أن يمشي
وراء كلب مادام قد سبقه الكلب .

فقلت ما هذا ؟

قالوا كلب يرسله صاحبه بهذه السلة وفيها الثمن والبطاقة فيأتيه بنصيبه من الإعاشة .
لما سمعت هذه القصة خجلت من نفسي أن يكون الكلب قد دخل النظام وتعلم اداب المجتمع
ونحن لانزال نبصر أناسا في أكمل هيئه وأفخم زي تراهم فتحسبهم من الأكابر يزاحمونك ليصعدوا الترام قبلك بعدما
وضعت رجلك على درجته…
أو يمدون ايديهم من فوق رأسك إلى شباك البريد وأنت جئت قبلهم وأنت صاحب الدور دونهم…
أو يقفزون ليدخلوا قبلك على الطبيب وأنت تنظر متالما لساعتين…
وهم إنما وثبوا من الباب الى المحراب .
خجلت من رجال لم يتعلموا الانتظام الذي تعلمته الكلاب!!

...

2010-10-24T20:19:00.002+03:00

ما المانع أن أبدأ بالنص قبل العنوان

فالكثير من المشاعر الإنسانية تعتمل بالداخل من قبل أن تسمّى بإسم باهت

أليس كذلك؟

عمتم مساءً

أنا والكتابة

2010-10-18T00:53:00.000+03:00

سؤال أطرحه على نفسي منذ عدة أيام..لماذا فقدت إحساس الكتابة؟..فأنا كتبت عدة مواضيع وعندما اصل الى المنتصف امسح ما اكتب واقول..لا بد ان اكتب افضل من ذلك حتى وصلت الى مرحلة عدم الكتابة..
وهي مرحلة صعبة بالنسبة لي..انها بمثابة الاختناق..لا أجد اجابة على هذا السؤال والذي يجر معه عدة تساؤلات..وخصوصا انني احمل نفسي دائما أي وضع اكون فيه مهما كان القدر يتحكم به..بالرغم من انها هينة في السؤال وفي الاجابة لكنها..فاجعة أدبية أمر بها.

..لااخفيكم سرا حتى القراءة بدأت تتسلل من بين أولوياتي هذه الايام لكنني لن اسمح بذلك فالمكتبة لدي تزخر بالجديد..اما الكتابة فهي قائد ثورة التمرد الذي لا أعرف له مدافعآ

مشكلتي انني ديمقراطي مع الاخرين..وشديد الدكتاتورية مع نفسي لذلك افضل الكتابة..فالكتابة افضل طرق المخاطبة لانها لاتزعج احد..فمن شاء قرأ ومن لم يهتم فكأن شيئآ لم يكن..والهدوء سيد الموقف دائمآ..ولا اعلم ان كان ذلك حضارة الحوار أم حوار الحضارة

لي مع الكتابة تاريخ طويل..مليء بالفرح والحزن ولكنه دائمآ يلفه الحب لدرجة العشق..ومع هذا كله بدأت افقد الاحساس بها..ولا اعلم هل هي ضرب من ضروب الخيانه التي قد تكون اتعس نهايات العشق..أم انها مجرد احساس عابر..وحتى لو كانت خيانة فمن المسؤول؟ انا ام هي

اجد الاجابة تصعب علي فأنا اثق انني لم اخن عهدي القديم..وهي بحر من الوفاء..اذن هل من الممكن ان نكون ضحايا الاخرين..ان مايشغلني عن البحث الحقيقي لتلك التساؤلات انني ما زلت اعيش المشكلة الاكبر وهي فقدان الاحساس بمحبوبتي الكتابة

مهما كانت الاسباب سأحاول الرجوع..وحتى لو طالت المسافة ووعر الطريق فإنني على ثقة بمن احببت..وبقدر الحب الذي بداخلي ستكون المبادرة..ومهما كان احساس فقد الكتابة فإن مياهه ضحلة في قلبي..وليعلم ضيفي الثقيل ان الحب مياه عميقة في قلوب الرجال..وليعلم الجميع ان الكتابة هي حبي العظيم

منقووووووووووووول

كلام جميل جدا , مع انه صاحب المقالة "بيدّعي" انه فقد الاحساس بالكتابة , الا انه النص من اعذب ما يكون

مجرد حروف

2010-10-11T19:55:00.000+03:00

وحيدا أجلس هنا

وهل يكون الانسان على سجّيته ما لم يكن وحيدا

رفيقتي , أغنية , سمعتها ألف مرة

تنقلني لعالم أكون فيه وحيدا - لم تنقلني بعيدا

أعتزل العالم , بما فيه , وكلّ ما فيه

أنتظر وحيدا , أشكي لنفسي , بل واعاتبها

لتقل ما شئت عنّي من جنون أو هوس

ففي النهاية , لا يوجد غيري يحتملني

ولا يوجد غيري , يواسيني

أنا بقول أقوم اصحّي الشب اللي معي بالسكن قبل ما أفصل رسميا

*****

عالهامش , اشتقتلك

تساؤل سخيف

2010-10-09T00:45:00.001+03:00

لطالما تسائلت عن سر الابتسامة والتموضع الجيّد للصورة الفوتوغرافيّة

أليس من المفترض أن تكون هذه : صورة لنا حاليا

ام ان الصورة ايضا تحتاج منّا قناعاً؟

Show Me How To Live

2010-10-06T01:02:00.001+03:00

عذرا

2010-09-27T21:21:00.000+03:00

عذرا
إن لم أرق يوما لمستوى تأملاتك

إن كنت لا أعرف لتفاؤل البشر طريقا

عذرا

إن لم تصقل السنون تضاريس وجهي بعد

لتتلائم ومنظومتك الوردية عن الحياة

عذرا

فالوقت أصابني في مقتل

وغدوت كخيال مآتة باهت

مع ابتسامة مثله تعلو وجهه

برغم هذا وذاك

لا عليك

سأرسم ابتسامة تليق بك

وبنمظومتك التعيسة أيضا

تليق بك , وتبعد اسألتك السخيفة أيضا

عذرا

The Unnamed Feeling

2010-09-26T23:04:00.003+03:00

Warning : This Video Contains Explicit Material And Language

ممكن حدا يحكيلي ؟ - 2

2010-09-25T20:29:00.001+03:00

ليش بالافلام , "الشرّير" بقعد طول الفلم يتحلّف للبطل انه راح يشلّ أمله بس يشوفه ويعمل عليه ملوخية
وأول ما يمسكه ويكتفه , بقعد يلقي عليه محاضرة طويلة عريضة محتواها : ليش انا بدي اقتلك يا حبيبي؟

وبنفس الوقت بكون البطل بحاول يتفلّت من الحبل - سبحان الله , دايما بكون حبل بني ما اله دخل

هووووب , البطل بفكّ حاله وبقوم بضرب "الشرير" راس بجيب اخرته
وبشلّف البطل مع البطلة اللي بتكون محبوسة قبله وبعدين كل اشي بتفجّر وراهم

طيب يا اخي "الشرير" , قززتنا وانت تتحلف لهالمشحّر , يعني اقل ما فيها , اول ما تشوفه اقتله وخلّص هالفلم
قرف يقرفك

!

****

ممكن حدا يحكيلي ليش شخصة جيمس بوند نسونجيّة هالقد؟؟
وليش كل البنات اللي بالفلم بقتلوا حالهم عليه وهو ما بتطلّع الا عاللي بتكون
"مطقعتله"

والا هي شخصية الرجال هيك بشكل عام؟؟

ما عندي فكرة

****

ممكن حدا يحكيلي ليش العرب والمسلمين برتبّوا الأحداث من الأقدم للأحدث دايما؟؟
يمكن عشان هيك بنظلنا عايشين ب"الامجاد" الغابرة تبعتنا؟؟
يعني ليش ما بنتذكّر احداث غزّة اللي صارت اول السنة اللي فاتت
ومع ذلك بنتذكر معركة السومريون الخنابلة اللي صارت من اكثر من 1000 سنة ومين شارك فيها وكم واحد ماتوا فيها , وبنذكر تكتيك الجيش السومري وكيف ابو سومر لعن طرطق الخنابلة؟؟

****

ممكن حدا يحكيلي ليش العالم حاطين حطاط ايران على المفاعل اللي عندها والصهاينة عندهم مفاعلات نووية خير الله وما حدا حاكي معهم اشي؟؟

يعني معلّش , لهالدرجة استهبالنا ؟ يعني بدها شويّة حيا مش اكثر
احكولنا انتو هبايل واحنا بدنا نضحك عليكم , بنكيّف
اما هيك , يعني مش حلوة جد

****

أخيرا

تغيير الصورة اللي معظمنا سمع فيه
ممكن حدا يحكيلي اذا كان يندرج تحت بند : الاستهبال؟؟

http://www.qtr888.com/vb/showthread.php?p=143769

ودمتم

شو رأيكم؟

2010-09-20T15:30:00.000+03:00

بقولو انه

"تكلم وأنت غاضب فستقول أعظم حديث تندم عليه طوال حياتك ؟ "

وأنا بقول

"إحكي وانت معصّب , لأنك راح تكون أقرب للصدق "

لأنه وقت الغضب , الكلام بطلع من القلب

انسى المسبّات والحكي اللي بجرح

واحذف شوية صياح من هون وهناك

راح تلاقي كلام طالع من القلب مباشرة

حتى لو إنه مؤذي

يمكن عشان هيك طلع المثل الأول

عشان يشجعوا الناس تروق , وتحكي برواق بعد ما ترتّب أوراقها

فيروز الصبح وصباح فخري بالليل

2010-09-17T23:10:00.000+03:00

مسا الخير

بذكر بالزمانات كنت ماشي مع زميل بالمدرسة

ناسي عن ايش بالزبط كنا نحكي , بس كأني حكيتله انه امبارح المسا كنت اسمع فيروز

تطلّع علي باستغراب , حكالي بعدها انه فيروز بتسمعها بس الصبح

وصباح فخري بالليل - مع انه ما جبنا سيرته

بوقتها ما اخذت فيها كثير

بس مع مرور الوقت , بيّن معي ناس كثير هيك

انه معتبر الذوق الشخصي من المسلّمات لكل البشر

على عيني وراسي انه فيروز الصبح الها طعم خاص

بس بالمقابل , اذا كان جاي عبالي اسمعها المسا , فأنا بكون خرقت مسلّمة مثلا؟

بعرف انها مش مشكلة كبيرة اصلا ومش مستاهلة ينحكى فيها

بس بعتقد انه شغلة الذوق خاصة بكل بني ادم بحد ذاته

كثير ناس بستغربوا لما يعرفوا اني بحب اسمع لمحمد عبده - خاصة لما يغني كلمات خالد الفيصل

وبنفس الوقت بسمع ميتاليكا واكمن فرقة على شاكلة ميتاليكا

انه : واااو , شو جاب لجاب

عادي انا مش زعلان , بالنهاية , هاي شغلة ذوق او عدمه

شو رأيكم ؟ في ناس بتحاول تفرض ذوقها عليكم؟

تفرض مش تشارك , المشاركة حلوة

ماذا تفعل لو زارك ضيف متدين فى بيتك؟

2010-08-29T11:02:00.000+03:00

بقلم الدكتور مصطفى محمود - رحمه الله.

ماذا تفعل لو زارك ضيف متدين فى بيتك؟ ..ربما لا تكون أنت متدينا بالمعنى المتعارف عليه فى مجتمعنا...ربما تكون غير ملتزم بالصلاة فى المسجد..أو صيام النوافل..بل ربما لا تكون لك أية علاقة بالدين على الإطلاق وربما لم تصم أو تصل منذ سنوات...بل ربما تكون لك ديانة أخري غير ديانة هذا الضيف المتدين ولك رؤية أخرى فى الحياة قد تتعارض مع منهج حياة هذا الضيف.
كل هذا لا يهم!..لأن ذلك لن يثنيك عن إكرام الضيف ومحاولة عدم جرح مشاعره أو معتقداته، على الأقل فى الفترة التى سيزورك فيها..ستحاول أن تجعل زيارته سهلة عليه وعليك وستحاول أن تبحث عن أرضية مشتركة للحديث وقضاء الوقت معه.

لا يهم كم المشاكل التى تعكر صفو حياتك فكل الضغوط النفسية لن تمنعك أن تبتسم فى وجهه...ولا يهم حجم الديون التى ربما تكون غارقا فيها فهى لن تمنعك من تقديم واجب الضيافة ولو بكوب من الشاي...المحصلة أنك ستقدم للضيف ما يرضيه هو..من وجهة نظره هو وليس ما يرضيك أنت...وحتى إذا كنت لا تريد أن تكرمه فأضعف الإيمان أن لا تؤذي مشاعره بأشياء تتعارض مع قيمه ومبادئه حتى إذا كنت لا تشاركه هذه القيم...فإكرام الضيف واجب.

الغير معقول والذي قد تعتقد أنه جنون هو موقف أحد أصدقائي الغير متدينين حين زاره شيخ متدين فى بيته ... فما أن دخل ذلك الشيخ بيت صديقي حتى قام صديقي وقال للشيخ : "سأثبت لك أنى احتفل بقدومك وزيارتك الطاهرة .. فقط أعطني دقيقة" .. ابتسم الشيخ الأسمر الذي يشع وجهه نورا وقد جلس فى غرفة الضيوف مسبحاً ... ولكن ابتسامة الشيخ الرقيقة ما لبثت أن تحولت لفم مفتوح (على البحري) من الذهول ... فلقد رأى صديقي يدخل عليه وفى يده زجاجة من الخمر ويحمل على كتفه سماعات ضخمة تخرج منها موسيقى صاخبة لفرقة من فرق عبدة الشيطان .. ووقف صديقي فى منتصف الغرفة يرقص احتفالا بزيارة الشيخ ثم مال على الشيخ قائلا : (هلت) أنوارك...تشرب بيرة ولا ويسكي يا شيخ إن شاء الله؟

الشيخ هو شهر رمضان وصديقي الغير متدين هو الإعلام العربي الذي نحسن به الظن معتبرين أنه أراد أن يحتفل بقدوم شهر رمضان المبارك (بغشامة) فوضعنا جميعا فى موقف لا نحسد عليه.
تتسابق القنوات الإعلامية فى ماراثون من الفوازير والمسلسلات والبرامج ذات الإنتاج الضخم ... ولا أدري ما علاقة رمضان الذي هو شهر روحاني له وضع خاص فى العقيدة الإسلامية بالإنتاج الفنى والدرامي والترفيهي وبرامج قصص (كفاح) الفنانين .. ليكون السؤال المنطقي الوحيد الذي يمكن طرحه أمام هذا التناقض هو:(إيه اللى جاب القلعة جنب البحر(!..

لماذا لا يحترم الإعلام العربي رمضان ... لماذا يتحول رمضان إلى شهر ترفيهى بدلا من شهر روحاني؟ .. لست شيخا ولا داعية ... ولكني أفهم الآن لماذا كانت والدتى تدير التلفاز ليواجه الحائط طوال شهر رمضان ... كنت طفلا صغيرا ناقما على أمي التى منعتني واخوتى من مشاهدة فوازير (شريهان) بينما يتابعها كل أصدقائي .. ولم يشف غليلى إجابة والدتي المقتضبة "رمضان شهر عبادة مش فوازير". لم أكن أفهم منطق أمى الذي كنت كطفل أعتبره تشددا فى الدين لا فائدة منه .. فكيف سيؤثر مشاهدة طفل صغير لفوازير على شهر رمضان؟

مرت السنوات وأخذتني دوامة الحياة وغطى ضجيج معارك الدراسة والعمل على همسة سؤالي الطفولى حتى أراد الله أن تأتيني الإجابة على هذا السؤال من رجل مسن غير متعلم فى الركن الآخر من الكرة الأرضية ... كان ذلك الرجل هو عامل أمريكي فى محطة بنزين اعتدت دخولها لشراء قهوة أثناء ملء السيارة بالوقود فى طريق عملى ... و فى اليوم الذي يسبق يوم الكريسماس دخلت لشراء القهوة كعادتى فإذا بى أجد ذلك الرجل منهمكا فى وضع (أقفال) على ثلاجة الخمور... وعندما عاد للـ(كاشير) لمحاسبتي على القهوة سألته وكنت حديث عهد بقوانين أمريكا : "لماذا تضع أقفالا على هذه الثلاجة" .. فأجابنى :"هذه ثلاجة الخمور وقوانين الولاية تمنع بيع الخمور فى ليلة ويوم الكريسماس يوم ميلاد المسيح"... نظرت إليه مندهشا قائلا : أليست أمريكا دولة علمانية .. لماذا تتدخل الدولة فى شئ مثل ذلك؟ .. فقال الرجل :"الإحترام.. يجب على الجميع احترام ميلاد المسيح وعدم شرب الخمر فى ذلك اليوم حتى وإن لم تكن متدينا .. إذا فقد المجتمع الاحترام فقدنا كل شئ".
الاحترام ... ظلت هذه الكلمة تدور فى عقلى لايام وأيام بعد هذه الليلة ... فالخمر غير محرم عند كثير من المذاهب المسيحية فى أمريكا .. ولكن المسألة ليست مسألة حلال أو حرام .. انها مسألة احترام ... فهم ينظرون للكريسماس كضيف يزورهم كل سنة ليذكرهم بميلاد المسيح عليه السلام .. وليس من الاحترام السكر فى معية ذلك الضيف ... فلتسكر ولتعربد فى يوم آخر إذا كان ذلك أسلوب حياتك ... أنت حر ... ولكن فى هذا اليوم سيحترم الجميع هذا الضيف وستضع الدولة قانونا يفرض الإحترام فيمنع بيع الخمر ذلك اليوم.

وحتى إذا كنت مسلما أو يهوديا أو حتى ملحدا فى أمريكا فلن يمكنك شراء خمور فى هذا اليوم حتى وإن كنت لا تؤمن بأهميته ولا بقدسيته ... فبغض النظر عن عقيدتك وتدينك فستجبر على احترام ذلك اليوم.

هكذا أرادت أمي أن تعلمني (احترام) رمضان منذ نعومة أظفاري .. فلتشاهد الفوازير والمسلسلات والأفلام كما تحب طوال العام إذا كان ذلك يتناسب مع معتقداتك وأخلاقك .. ولكن فى رمضان ستظهر احترامك لهذا (الضيف) الشهر سواء كنت متدينا أم لا.

بالنسبة لى لم تعد القضية فى رمضان قضية هل المسلسلات والأفلام والبرامج الحوارية حلال أم حرام ... وليست القضية قضية هل تفسد الفوازير والأغاني المصورة صيامك أم لا ... القضية أن الباب سيدق عما قريب ليدخل ضيف كريم بيت كل واحد منا ... المتدين وغير المتدين .. الإسلامي والعلماني ...
المسلم والمسيحي ... وسيكون عليك بغض النظر عن أفكارك أو أسلوب حياتك
أو مدى تدينك أن تظهر لهذا الضيف ... الكثير من الاحترام.

------
الموضوع منقول
هاذ الحكي ببالي من اول الشهر , بس بصراحة ما كنت عارف اصيغه من مرة

رحمة الله عالدكتور مصطفى محمود

مبادرة - خذ إمك وافطر معها برّة الدار

2010-08-25T10:10:00.000+03:00

اسمها طويل المبادرة اه؟؟

مش مشكلة , لأنه الهدف بستاهل

هسه كل واحد فينا اللي والدته لسه عايشة - مش خديجة

واذا بقدر يوخذ من رمضان يوم

يطلع مع والدته , يفطر هو واياها برّة الدار

بتخيّل انها راح تكون شغلة حلوة

جربوها , وارجعو احكولنا شو صار معكم

وخلينا ننشر هالمبادرة كمان بين اللي بنعرفهم

سواء هون عالمدونات او وين ما كان

اللي والدته مش بيننا , ربنا يرحمها برحمته ويخليله احبابه يا رب

وما ينسى يقرأ على روحها جزء من القرآن

وبالتوفيق للجميع

ممكن حدا يحكيلي؟

2010-08-23T22:00:00.000+03:00

ممكن حدا يحكيلي عن الفرق بين المفاوضات المباشرة والغير مباشرة؟؟

مش من ناحية سياسة , بل من ناحية

والله ماني عارف من ناحية ايش قصدي

بس انه راح تفرق اذا كانت مباشرة او لأ اذا كان اليهود داعسين في حلوقنا؟

اسف على كلمة حلوقنا

ممكن حدا يحكيلي ليش بان كي مون علطول نرفز وخف عقله لما صار الفيضان بباكستان

والناس اللي تلحّمت بغزة وقافلة الحرية اللي قرصنوا عليها اليهود ما دري عنهم ولا علّق ولا جاب سيرة كمان

ممكن حدا يحكيلي ليش كنا عايشين بشبه غيبوبة وقت كأس العالم وما حدا دري عن اشي

ممكن حدا يحكيلي عن ظاهرة المسلسلات الاباحية المنتشرة برمضان؟

مش افلام , مسلسلات عربية لا تمت للحياء ولا للأخلاق بصلة ولو ضعيفة

ليش , شو اللي بصير معنا بخلينا نلتوق رسميا؟؟

في أجوبة؟

زهرة وأزواجها الخمسة

2010-08-14T11:09:00.002+03:00

مش عارف شو اللي قردني امبارح وخلاني اتطلع عالتلفزيون

لأنه اول ما ييجي باب الحارة , بشغّل اللابتوب وبظل لحد ما أنام

بس امبارح لفت انتباهي اكمن مقطع من مسلسل اسمه

زهرة وازواجها الخمس

ما بدي احكي عن شكل زهرة اللي لو انا البس باروكة يمكن أطلع احلى منها

خاصة انها هي لابسة باروكة كمان

-أو انه الكوافير تبعها ما اله دخل بالدنيا

وما بدي احكي انها كانت تنزل من سيارة وتطلع بسيارة ثانية , ما حسيتها ممرضة الصراحة

وما بدي احكي عن الجدل اللي صار من وراهم

بس الصراحة اللي ضايقني هو تمثيل الفنان حسن يوسف

لأني انا بعرف انه الزلمة اعتزل الفن وصار شيخ وما شاء الله عنه

وأبدى اسفه وندمه عن "طيش الشباب" اللي كان فيه بالزمانات

ييجي هسه بعد ما كبر الزلمة , بهاللحية البيضا , بهالنور اللي طالع من وجهه

يقعد يدور ورا زهرة بطريقة مقززة

"هاتولي زهرة"

"هي فين زهرة"

"الجرح فتح وعايز زهرة تشوفه"

يعني الصراحة ما حبيتها منه من مرة

عارف راح تحكولي تمثيل بتمثيل , بس ما بعرف , خلص هاذ اللي خطر ببالي

شفته مرة بلقاء مع مذيعة , ما شاء الله عنه وعن النور اللي بطلع من وجهه

بس إنه ليش هيك؟

والا صار نفس موضة اللي بتعتزل الفن وبترجع "أبهى " من أول ؟؟

مقال بحكي عن الوضع بشكل عام

رمضان بالنسبة إلي

2010-08-11T12:16:00.000+03:00

بحب برمضان

الراحة النفسية والجسمية
البركة بالوقت
الصلاة والقرآن
قلة العصبية لواحد مثلي
الزيارات والنفاق الاجتماعي نسبيا بكون أخف
:D
ساعات الشغل أقل
:rgs:

بكره برمضان

باب الحارة
المسلسلات الساقطة اللي كلها نسوان ولت وعجن ولبس ما اله دخل

باب الحارة
التلفزيون الاردني وبرامجه اللي جد جد ما الها دخل
خاصة اللي بعد المغرب
انه واو , ما لحقنا نفطر عشان ننمغص

بكره برمضان مرات لما يكونو مثلا اخواني معزومين عند نسايبهم
وتكون الدار فاضية , انا وامي وابوي - اذا كانت المدام عند اهلها مثلا

بنجن عنجد لما نقعد عالفطور ما يكون في حدا من غير شر
مرات بحبش اروح عالمساجد برمضان لأنه الولاد الصغار بكونو عاملينها ملعب رسمي
صياح وركض وضرب والعاب نارية بساحة المسجد

بكره برمضان كمان الزحمة بالاسواق , يعني حتى امبارح كانت معي المدام بالسيارة , قلتلها انزلي معي عالسوق , نزلت وتطلعت عالعالم , قلتلها خليكي بالسيارة احسن
لأنه انا ما عرفت امشي , خاصة انه في بنات كانو طالعين من بيوتهم فل ميك اب ولبس , وطبعا هالحكي بجذب الشباب وبسبب ازمة

بكره مسلسل باب الحارة

هاذ اللي قدرت احصره حاليا

بعمل تاغ ل
ويسبر
ليونيس
بالستيا المعروف بشفيق

في مسرح الحياة

2010-08-09T21:45:00.001+03:00

في مسرح الحياة

معظمنا يمثّل على المسرح

والبعض الآخر يقف حذرا على حافة الحياة

يرتجف خوفا ويأبى الدخول

يعرف أنه بمجرّد دخوله

قد يصبح ممثّلا مثل غيره ممّن سبقه

كان وما زال يكره التمثيل , بل ويعتبر الافلام ضربا من السخافة

ومن خبرته مع البشر , تعلّم أن بعضهم وصل مراحل متقدمة في هذا الفن

فذلك يدّعي حب من حوله حينا , ويتبرأ من ذلك سريعا

وذلك يحلف أغلظ الأيمان , وهو بريء ممّا يدّعي براءة الذئب من دم يوسف

لماذا تحدث كل هذه السخافات؟

ولماذا لا تكون أنت , أنت ببساطة؟

أسئلة لطالما أنهكت عقله المثقل بهموم كل من عرفهم

خرج عن صمته يوما

قرّر أن سنين الصمت طالت وقد حان كسرها

ولكن من بعد أخذ وجذب , استعاد حنينه لصمته

واتخذه محرابا

للأبد

من أصعب ما قد يشعر به الإنسان

أن تواسي شخصا بمصابه

وتعده أن الأمور ستتحسّن

وأنت تعرف أن هذا لن يحصل

على الأقل , ليس بهذه الحياة

أشعل سيجارته وأخذ نفسا عميقا قائلا لنفسه

أنا ملك العالم اليوم وغدا

في المساء كان محبطا متهالكا , فقد شخصت حالته بسرطان في مراحله النهائيّة

لا زلت ملك العالم , قالها مودّعا

هل جال بخاطرك يوما أن تنظر للمرآة نظرة عميقة

لا نظرة سطحية لتصلح شأنك

نظرة تكتشف من خلالها أثر كل السنين على وجهك

وأثر العيش داخل روح كل من حولك أيضا؟